U S M F L Pubblicazioni della Facoltà di Lettere e ... - Studi umanistici

CDLIIIOr fu no gent un poi rasseureepour le vassal qui tant ot renonmee.En grant doutance sont cele matineede Maillefer a la chiere membree12215 que ne l'ocient cele gent desfaee.Renier li preuz, qui a prouesce bee,a conmande que sa gent soit armeeet il si font sanz point de demouree.Le roy Grebuedes a la seue ordenee,12220 Droon de Gresce a l'enseigne portée,Gyres la seue qui « Venice! »a criée.Vers Loquiferne ont leur voie tournée,cornent busynes, s'ont grant noise menée.Le roy Butor fu en la tour quarree12225 et voit noz genz rengie et bien serrée:trente mil sont, n'i a cil n'ait espee,l'auberc vestu et la coiffe fremee,et bon cheval a la troupe tuilee,hiaume et escu et fort lance planée12230 sanz la piétaille qui bien fu atieree.CDLIVLe roy Butor fu moult matin levez,par la fenestre a son chief hors boutez:voit nos barons qui vienent abrievez.Or seit il bien qu'il n'iert pas reposez;12235 de la grant sale avale les degrez.Devant la tour iert un arbre plantez,le roy y a touz ses barons mandez :cinq rois y ot et quatorze amirez.Premier parla Butor li encornez12240 « Seigneurs, dist il, quel conseill me donrez?François nous vienent les frains abandonezissonscontre eus, mar les redouterez,desconfit ierent, si que bien le verrez.Plus avons gent que il ne sont d'assez;12245 au revenir quant le champ iert fineziert Maillefer pendu et traînez. »f. 122 v_i