U S M F L Pubblicazioni della Facoltà di Lettere e ... - Studi umanistici

et a ses denz durement le tira,desus l'espaulle si forment le hapa8445 en pluseurs liex l'auberc li desciraet par desouz la char li entenma;le sanc en raie, sus l'erbe dégoûta.Quant Renier voit que cil le formenaqui par son art ainsi son cors chanja,8450 de lui s'estort et Jhesu reclama,les hauz nons dieu par cinq foiz recordaet damedieu sa force li doubla.CCCXIXRenier fu sage et de bon escient.Le tyrant voit qui li revint courant,8455 qui par fantosme et par enchantementen tel manière aloit son cors muant:en guise d'ours va Renier assaillant,de ses granz ongles li ront l'auberc luisantet en la char le navra si forment:8460 le sanc l'en raie sus l'erbe verdoiant,tant fort l'angoisse par son malice grantet en la bouche va Renier si souriantsi grant destresce va le vallet sentantque li alaine li loie si forment8465 tout entressue et puis va verdoiant,par un petit qu'il ne se va pasmant;mes il s'esforce, si va bien reclamant,Saint Esperit li va el cors entrantqui li dona et force et hardement.8470 D'un moult grant sens va Renier souvenantque li aprist Ydoine la sachant,mes por l'alaine du traiteur puantli va le cuer un petitet taillant;chancelant vet a poi ne va versant.8475 En Morimont en la tour haut et grantiert Florentine as estres apuiant,lez li sa fille la bele au cors plesant,n'ot que douze anz mes moult ot d'esciant.Bien ot veu Renier le conbatant8480 et le paien qui le va angoissant;f. 101 r