U S M F L Pubblicazioni della Facoltà di Lettere e ... - Studi umanistici

Voit le Guillaumes, ne l'en fu mie bel;par ire point le bon cheval morel,Joieuse entoise dont trenche le costel,parmi le hiaume fiert le roy Pinabel;860 tout le pourfent si qu'en mi le fourcel. f. 57 v " bBertran i fiert et Gaudin de bourdel :chescun occist paien par grant revel.XXXIVSouz Loquiferne, qui siet près de la mer,fu la bataille qui moult fist a douter.865 Le chevetaine qui les noz dot guierc'est Maillefer qui moult par estoit ber,lui et Guillaumes qui moult fet a loer.Andoi conmencent leur gent a escrier:« Frans chevaliers, pensez de bien fraper:870 desconfit erent sarrazin et escler.Ja ne porra Tibaut vers nous durer;a cest assaut les en verrez tourner. »Adont conmencent leur grelles a sonner,vers sarrazin pensent d'esperonner.875 Devant les autres queurt Maillefer jouster,en la grant presse des turs se va chaplerde sa grant loke en fet tant craventer,a quatre cops en fet dix turs tumberqui onques puis ne porent alever.880 Le plus hardi fet en fuie tourner;de lui s'esloignent, ne l'osent habiter.Quant Rubyons voit sa gent mescheverOtran de Limes em prent a apeler.Fuiant s'en tournent por leur vies sauver,885 pour Maillefer n'i osent demourer.Quant Tibaut voit sa gent desbareterne set que fere, en lui n'ot qu'airer;a soi meismes se prent a dementer,ses diex conmence moult forment a blasmer :890 « He! Mahom sire, con te doi poi amer,quant tu me lesses ainsi déshériter.Or voi ge bien, n'i a nul recouvrer,que mon païs ne porrai plus tenser,