U S M F L Pubblicazioni della Facoltà di Lettere e ... - Studi umanistici

DCXXIIIRoy Maillefer ot moult grant hardement,Renier apele qu'il ama durement,Drues de Gresce, Bauduin ensement:« Seigneurs, dist il, par le mien loement,16550 alons en Gresce s'il vous vient a talent.Ja n'i avra chastel ne chasementqui puist durer contre nous longuement,quar nous avons avoec nous bone gent:quarante mile ou plus, mien escient. »16555 Dist Renier: « Sire, moult parlez gentement.Or sai ge bien, si en sui moult joiant,que ne doutez pas la paine granment. »f. 146 r " aDCXXIVRenier le preuz apela l'estrumant,de tost siglier le va forment proiant16560 quar droit en Gresce s'en veut aler siglant;n'arresteront, si com vont devisant,s'avra sa terre Bauduin quitemant.Li damoisiax les en va merciant.Les mariniers vont les sigles levant,16565 en mer hautaine vont leur nés esquippantque vous iroie la matière aloignant.Tant ont aie au vent qu'il orent grantque si qu'en Gresce ne se vont atarjant:al Civetor la se vont arrivant,16570 des nés issirent no chevalier vaillantchevaus et armes en ont trait li serjant.Tout droit vers Nistre se vont acheminant,bien cinq journées y ot, ce vont disant,n'ont pas conseill qu'il voisent a pie tant;16575 ainz sont rentrez en leur navie grant,droit vers Tarente vont leur nef esquipant,estoit la terre Badouinet l'enfant,au Val Jonas une vile moult grant;près iert li pors a deus lieues errant.16580 La arrivèrent, puis vont terre prenant,près fu du vespre si vont leur très tendant,