U S M F L Pubblicazioni della Facoltà di Lettere e ... - Studi umanistici

XIXLi quens Guillaumes a la chiere hardie415 et Maillefer que prouesce mestriecongie a pris chescun a sa mesnie.Jusqu'au rivage vet Guibourc l'eschevieet Florentine et l'autre baronnie.Guillaumes prie Gyrart par courtoisie420 et Guielyn, ce sachiez sanz boisdie, f. 55 r_bque bien gardassent Orenge la garnie,et Florentine et l'autre compaignie.Et Maillefer derrenier moult leur priele sien chier filz dont son cuer s'atenrie.XX425 Ce fu en may que li temps esclaira,fuellissent bois et li pre verdoia,li oisel chantent, chescun s'esliesça.Li sages hons a dit moult grant pièce ac'ons que couvoite ce qu'avoir ne pourra430 enz en la fin pour cheitis s'en tendra.Tout ensement de Maillefer ala:pour terre prendre outre la mer passa,a sa moillier le congie demanda,et Florentine doucement l'acola;435 pour ses enfanz la dame li proiaqu'il se hastast de revenir de ça.Et Maillefer dist qu'il s'en peneraet qu'a brief terme arrière le ravra.Et le marchis congie Guibourc rouva:440 et la contesse quatre foiz se pasmaquant de Guillaume parti et dessevra.N'iert pas merveille se grant duel démena:le cuer li dit et bien li tesmoignaque longuement mes vivre ne pourra.445 Li quens Guillaumes dedenz sa nef entraet Maillefer oui grant hardement a;et avoec lui Piecolet en menapour le païs qu'il li deviseraet les citez bien nonmer li savra.