U S M F L Pubblicazioni della Facoltà di Lettere e ... - Studi umanistici

Gyrart l'entent bien s'i sot aviser,2740 dist a sa gent: « Alez vous adouber;l'assaut arons, as paiens I'oy corner.As murs venrront assaillir et geter,mes puis que diex nous a ça fet tournercest gent secours, que ci puis esgarder,2745 tart nous prendront, bien nous poons tenser;as hauz querniax les irons esgarder;merrien et pierres nous i ferons porter.Ja ne lairons paiens o nous entrer. »Quant Renier ot Gyrart ainsi parler2750 Gyres son mestre em prist a apeler:« Mestre, dist il, pour dieu vous veull rouverque vous faciez nostre gent adouber,f. 68 v 's'alons la hors sarrazins encontrer.Nul soudoier ne se doit enfremer2755 pour tant au'il veulle en nul haut pris monter. »Adont dist Gyres : « Renier, moult estes ber,mes trop es joene por tes armes porter,et si sont trop sarrazin et escler;miex vaut par sens la guerre démener2760 nue par folie issir mal conquester.Or vous veull, enfes, proier et conmander,si chier com vous avez ma pes carder,nue vous veulliez par mon conseill ouvrer.Foi vous jurai, et vous moi sanz guiler,2765 auant nous deumes de Venice sevrer.La bele Ydoine, que tant devez amer ,a moi livra vostre cors a garderdusqu'a cele heure que porrons retourneret a li dire conment pourrez ouvrer. »2770 Dist Renier : « Mestre, mar vous covient douter,ne vous veull mie courocier ne troubler,a vostre los me voudrai démener. »Lors li dist Gyres : « Or vous fist dieu parler.Vous en irez en cele tour monter2775 avoec la dame, Florentine aù vis cler.De la porrez bien l'assaut esgarder,conment on doit et lancier et geteret le sien cors garantir et tenser,son anemy occire et afoler. »