U S M F L Pubblicazioni della Facoltà di Lettere e ... - Studi umanistici

Courtoisement a apele Renier:« Dont estes vous, frans damoisiax legier,que vous vousistes por nous tant traveillierque de la chartre sonmes hors tout entier? »10595 « Bien le dirai, sire, sanz mençongier :d'estrange terre sonmes nous soudoier,au bon roy d'Isle demourames l'autrier.Moult desiroie, se diex me veulle aidier,que vous peusse veoir et acointier10600 quar sus touz homes veull Maillefer aidierpour sa bonté que j'ai oy proisier.Gel veull servir touz jors mes sanz boisier. »Maillefer l'ot si le queurt embracier:« Amis, dist il, moult fêtes a prisier.10605 Se diex ce done, le pere droiturier,que je mes puisse a m'onneur reperier,de cest service vous rendrai bon louier.Mes or me dites, pour dieu le vous requier,en quel manière porrons miex esploitier. »10610 « Bien le dirai, dist Renier au vis fier,j'ai un cornet de blanc yvoire chier:quant le roy d'Isle, il et si chevalier,orront le cor sonner et gresloierdont les verrez de la vile aprochier :10615 secours avrons vers la gent Tauressier. »f. 113 r_bcccxc« Maillefer sire, dist Renier li vaillans,moult estes maigre, et paliz est vo sans. »« N'est pas merveille, ce dist Bertran li quans,en la prison avons este lonc temps10620 a povre vie entre genz mescreans. »Dist Maillefer : « Ja ne soiez doutansque se g'estoie un petit sejournanstost me seroit la force reperans.Mes j'ai tel fain qu'a poi ne sui finans :10625 nous ne menjames, moi ne li quens Bertrans,bien a deus jours acomplis et passans. »Renier l'entent si l'en prist pitié grans,des yex lermoie, du cuer fu souspirans.