U S M F L Pubblicazioni della Facoltà di Lettere e ... - Studi umanistici

aler s'en cuident a Gennes sanz douter,2560 mes ce les fet durement esf'reerqu'il n'ont vitaille mie a trois jours passer;moult s'en démentent li marcheant en mer,mes il n'osoient a Morimont tournerpor les paiens dont ont oy parler.2565 Leur sigle aprestent, si font leur tref virer,dusques au vespre ne cessent de sigler;a l'endemain les volt diex conforter:la nef encontrent Renier le bachelerqui aventures va querant en la mer.2570 Bien deus cenz homes avoit a gouverner,que la pucele li fist o lui mener;vitaille avoient a plus d'un an passer.Renier parla conme gentil et ber,Gyre son mestre em prent a apeler:2575 « Mestre, dist il, fêtes no nef tournervers cele barge que la voi avalerf. 67 v_icele part veull, si vous plest, cheminer,si leur voudrai enquerre et demanders'il nous saront aventures conter,2580 que diex de gloire me lest tel lieu trouverou ge peusse le mien pere assener,il et ma mere que tant puis désirer. »Gyre li dist: « Bien m'i veull acorder. »Adont conmencent cele part a aler.2585 Quant furent près si prenent a crier:« Seigneurs, dont estes? Veulliez a nous parler.Bone gent sonmes, ne vous estuet douter,ne vous voulons riens tolir ne rober. »Cils leur escrient: « Que voulez demander?2590 Crestïen sonmes, ne le voulons celer,si en alons a Gennes marcheer;mes la vitaille nous fet moult esfreer,n'en avons mie a deus jours bien passer.Se voulions sofisaument disner2595 bien em porroit le remenant porterun oiselet quant venrroit au lever.A Morimont n'osâmes arriver,turc l'ont assis, diex les puist craventer. »Quant Renier ot de l'assise parler2600 dist a son mestre : « La feroit bon aler. »