U S M F L Pubblicazioni della Facoltà di Lettere e ... - Studi umanistici

7590 Gyres le preuz et Tyerri qui l'ama;en leur conpaigne trente mil homes a,.la grant navie Corbon toute trouva.CCXCIVSouz Morimont arrivent no baronla ont trouvée la navie Corbon,7595 si la gardoient quatre cens esclavon.Renier escrie : « As armes, conpaignon!Ferons ades entour et environsus cele gent qui croient en Mahom. »Dient ses homes : « A dieu beneiçon. »7600 Chescun vesti le hauberc fremillonet lace l'yaume, ceint l'espee au giron.Ceuls qui gardoient as turs la garnisonont touz occis a grant destrucion,fors seulement Quapalu le félon.7605 Cil ala dire la nouvele a Corbonla ou assault a force et abandon.Tant iert lassez Gyrart le fîlz Buevonet tuit li sien li vaillant championne porent mes soufrir la chaplison.7610 Es vous le mes qui s'escrie a haut ton:« Corbon, biau sire, entendez ma reson:en ce rivage sus mer enz el sablongent crestïenne y a moult grant foison.Ceus qui gardoient nos nés et no dromon7615 ont touz ocis li encrisme félon. »Corbon l'entent s'en fet grant marrison.Morimont lessent l'assaut et la tençon,envers leur nés en vont conme gaignon.Mes tant esploite Renier et si baron,7620 très et acubes et maint chier paveillonont abatuz li gentil compaignon.ccxcvRenier li preuz ot moult de hardement,lui et sa gent vont par les très courantplus de quarante en vont jus craventant.f. 96 r_b