U S M F L Pubblicazioni della Facoltà di Lettere e ... - Studi umanistici

Tibaut i monte qui moult iert irascu.« Arrabbe! » escrie. « Frans sarrazin membru,ore a Guillaume le cuvers malostru!785 S'il nous eschape nous sonmes deceu. »Paiens l'entendent, cele part sont venu;lancie li ont maint javelot pointu.Et le marchis se defent du brant nu;cui il consuit tout a son temps eu.790 Mes sa défense li eust poi valu,tant fort l'emprent li ouvert mescreuque son, cheval ont souz lui abatu.Mes li franc quens sault em piez par vertu.« Monjoie! » escrie Maillefer, « ou es tu?795 Sequeur moi, nies, por dieu le roy Jhesu!Se tost nel fez il m'est mal avenu,quar tant m'apresse le lingnage Quahu.Se diex n'en pense, qui est plain de salu,james Guibourc ne verra le sien dru. »800 Maillefer oit la noise et le gran hu,lui et Bertran sont cele part venu.XXXIIGrant fu la noise et fiere l'envaïe,paiens glatissent et font grant taborie.Mes Maillefer a sa loke empoignie805 en la grant presse se fiert par estoutie:de sarrazin a fet tel machecriequ'a plus de vint en a tolu la vie,maugre qu'en aient cele gent paienierendi au conte un destrier de Surie.810 Dient paiens : « Ci a grant deablie.Ce vilz deables ledement nous cuirie. »A ces paroles ont la place vuidie,fuiant s'en vont vers la cite garnie.Voit les Tibaut, a poi qu'il ne marvie.815 Mauduiz de Rames apela, si li prie:« Sonez le cor, dont haute est la bondie, f. 57 v " atant que puissons ralier no mesnie.Bien sui certain que nous avrons aïe. »Mauduis respont: « Tout a vo conmandie. »