U S M F L Pubblicazioni della Facoltà di Lettere e ... - Studi umanistici

« Sire, dist il, mauvesement vous va,en ceste vile une gent entrée aqui de vos homes grant labite fet a. »10740 Rubion l'ot a poi qu'il n'esraja. f. 114 r " aMahomet jure en cui grant fiance atouz ierent mort, ja tant n'en y avra.Le retret sonne et li assaut fina,contre les noz ses paiens amena:10745 parmi les rues li estour conmença.Le roy Grebuedes « Ysle! » haut escria,Gyres « Venice! » qui l'enseigne porta.As paiens fièrent, chescun le sien versa.Es vous un turc qui un fauxart hauça,10750 c'iert Estorgans qui no gent moult greva:en son estage plus de douze piez a.Sus noz genz fiert que nul n'en esperna:plus de quatorze a ce poindre en tua,le plus hardi devant lui fuiant va.10755 Gyres le voit, a poi ne marvoia :lors jure dieu qui le mont estoraque se il puet au jaiant se joindra,en tel manière s'il puet qu'il l'ocira.Le cheval broche, vers Estorgant s'en va,10760 l'ante a brandie et l'escu embraça,au jaiant vint qui d'orgueil roujoia;en mi le piz moult grant cop li donaque la cuirie et l'aubert li passa,li auketon noient ne le tensa.10765 Desouz l'essele durement le navrasi que le sanc contreval en coula;la lance brise, Gyres outre passa,Estorgant voit son coste qui saignas'il ne se venge petit se prisera.10770 Gyres feri ainsi qu'il retourna.Mes damedieu le bon baron tensa,et nonporquant le cheval assenadevant l'arçon la teste li copa.Gyres chay mes tost se releva.10775 A la rescousse le roy d'Ysle brocha,Droon de Gresce en cui moult preudome a,et maint des autres qui après s'arrouta,mes Estorgans moult petit les douta,