U S M F L Pubblicazioni della Facoltà di Lettere e ... - Studi umanistici

li clerc, li prestre qui s'en sevent meller;tuit li haut prince furent au cors porter,moult bel service fist on a l'enterrer.1465 La veïst l'en Guillaume doulouser,ses poinz détordre et ses cheveuls tirer,de fois en autre moult hautement crier:« Guibourc contesse, mar vi vo dessevrer,de vostre cors conment porrai durer!1470 N'est riens en terre qui me puist conforterquant cele est morte qui me souloit donnerles bons consauls et folie blasmer. »LVIIGrant duel mena Guillaumes li marchispour sa moullier, la confesse gentis.1475 « Dieus, dist li quens, pères de paradis,or ai perdue ma joie et mes delis:ne serai liez tant con je soie vis. »Tout li baron a conforter l'ont pris,mais ce ne vault voulant deus paresis.1480 Grant fu li duelz et la plainte et li cris.Deles un marbre s'est Guillaumes assis,a Maillefer a donne son païs;ses homes prie qu'il le servent toudiset que il gardent la terre et le pourpris1485 et les passages contre les anemis,car eis païs est moult de turs hays.Quant cil l'entendent chascuns fu esbahis.« Sire, font il, volentiers non envisiert de par nous vos voloirs acomplis.1490 Si vous prions vous soiez nos amis;se demorez, nos bons iert acomplis. »« Voir, dist Guillaumes, ge le feroie envis.En petit d'eure serai de ci partis:a Dieu cornant les grans et les petis. »1495 Ainsi parolent tant que jors faillis;après souper vont couchier en leur lis.Li quens Guillaumes ne s'est pas endormis,de laiens ist c'onques n'i fu ois.Ne prist congie a home qui soit vis.f. 61 r_b