U S M F L Pubblicazioni della Facoltà di Lettere e ... - Studi umanistici

3550 bien sont dix mile chevalier et serjant.Gyrart parla a loy d'oume sachant,les hauz barons va ensemble apelant:« Seigneurs, dist il, ge vous proi et conmantqu'en une eschiele soions touz quoiement.3555 Li un gart l'autre a l'espee trenchant;se ce ne fêtes, je vous di vraiement,ja n'i vaudra no force quel un gant.Trop sont paiens, le cors dieu les cravent.Contre un des nostres sont bien trente persant. »3560 Touz ses barons se vont haut escriant:« Gentis quens, sire, ne vous alez doutant,ne vous faudrons por les vies perdant. »Atant s'en vont ensemble chevauchant.Rubion garde contreval un pendant,3565 et voit les noz qui vont serreement.As quatre rois les va le vieil moustrant.« Seigneurs, dist il, or sai ge vraiementque ces cheitis qui ci vienent poignantn'ont de quoi vivre en la vile manant.3570 Pour ce s'en issent et vont abandonant.Or tost contr'eus, ne s'en riront gabant.Il ne sont mie tant de gent chevauchantque nous avons de gent a pie courant. »Dient paiens : « Tost seront recréant. »3575 A ces paroles s'en vont esperonnant,turs et françois se vont entrencontrant.A l'asembler ot une noise grant.Gyrart brandist le roit espie trenchant,fîert un paien sus son escu devant:3580 desus le boucle parmi le va trovantet le hauberc et l'auqueton perçant,parmi le cors li va l'espie passant,mort le trébuche par delez un pendant.Chescun des nostres en va un reversant,3585 mes sus touz autres s'i va Renier prouvant:del grant levier fîert arrière et avant,cil qu'il consuit n'a de mort nul garant.Au premier poindre en va dix aterrant. f. 73 r "'Paiens le voient, moult s'en vont effreant;3565 serrement; 3587 gararant