U S M F L Pubblicazioni della Facoltà di Lettere e ... - Studi umanistici

Un escuier apele ou plus se fie« Amiz, dist il savez que ge vous prie?A Maillefer alez, n'arrestez mie,et si li dites qu'il face chiere lie:19225 en Rocheglise soit sa gent herbergie,la m'atendra, avoec lui sa mesnie,tant qu'avrai pris en la moie bailliele traïteur qui est plain de boisdie,c'est Pecolet, que le cors dieu maudie. »19230 Et cil respont: « A vostre conmandie.Bien li dirai de la vostre partiequar n'est reson que de rien vous desdie. »DCCXIXRenier li preuz sarrazins enchauça;en une nef il et sa gent entra,19235 Robert Ricart avoeques lui menaet Bauduin en cui moult se fia,Drues de Gresce mie n'i oublia;Gyres son mestre, celui les gouverna,quar de la mer savoit moult grant pieça.19240 Grant baronnie après Renier en va,bien sont dix mil, qui touz les contera;la grant navie aprestee trouva,le roy Grandoce par la mer fuiant va,Renier l'enchauce qui de près le hasta.19245 Or vous dirai, qui bien l'escoutera,de Maillefer conment il esploita:quant la nouvele oy moult se hasta,isnelement son cors appareilla,en Rocheglise il et sa gent entra.19250 Les sarrazins qu'en la vile trouvaont touz ocis, onc nul n'en eschapa.Piecolet quierent, mes riens ne leur vaudra,james a jour Maillefer nel verradusqu'a cele heure que Grymbert li baudra,19255 que de lui querre durement se pena.Toutes les rues de la vile cercha,f. 162 r " b19222 Amez