U S M F L Pubblicazioni della Facoltà di Lettere e ... - Studi umanistici

CLXXVSouz Loquiferne ot merveilleus hustin.Roy Maillefer voit la gent Apolin,kaneliex, bougres, qui font moult laide fin.4560 Nos genz occient et metent a defin,li pincenart leur resont mais voisin,maçues portent d'un acier sarrazin.Maillefer voit de sa gent le train,dieu en jura, qui de l'eve fist vin,4665 qu'as pincenars mouvra ja tel hustin,dont quatre mil en gerront mort souvinmaugre Butor le cornu bebelin.CLXXVIRoy Maillefer fu de moult fier courage,la loke entoise, que mie ne s'en targe,4570 as pincenars fist le jour grant damage,plus de deus cent en tua el preage;des kaneliex refist tel lapidageplus de trois mil en gist sus le rivage.Devant lui fuient con fust beste sauvage.4575 « Diex, dist Bertran, qui siez el haut estage,con Maillefer est plain de grant barnage!Pour lui doit on soufrir paine et malage. »Point le cheval, tint le brant de Kartage,fiert un paien sus la fleurie targe,4580 arme qu'il ait ne li vaut un fromage.Mort le trébuche entre la gent evage.Chescun i fiert par moult grant vertuage,a honte muèrent li kanelieu malage.Plus de dix mil en fiert en la mer large,4585 qui n'i trouvèrent gue ne planche ne barge.Butor les voit a poi de duel n'esragetout por sa gent qui muert a tel hontage.