U S M F L Pubblicazioni della Facoltà di Lettere e ... - Studi umanistici

Li quens Bertrán au courage vaillantl'arriére garde va le ber conduisant15940 et Maillefer l'avangarde menant.Or vous dirons de Renier le puissantqui se combat a la gent Tervagant.Par devant lui voit sa mace gesantqu'il aporta el champ premièrement.15945 Renier la prent a deus poinz fièrementa Marbrien en va tel cop donantparmi la teste si vertueusementle chapel ront de la serpent cloantet le fort hiaume et la coiffe ensement15950 jusques el pis le va tout défroissant,le cors a terre chaït mort trébuchant,l'ame s'em part sanz plus d'arrestement.Quant paiens voient leur seignour mort gesantcele part vindrent a espérons brochant,15955 entour Renier se vont avironnant:lancie li ont maint roit espie trenchant,en pluseurs liex li vont l'auberc fauxant,mes l'auqueton li va le cors tensantet li dansiax se deffent durement;15960 de la grant mace fîert arrière et avant,cui il conssuit il n'a de mort garant,mes trop y ot del put lin mescreant.De l'autre part venoient a poignantla gent françoise qui moult sont conquérant:15965 devant les autres vint Maillefer courant,en ses deus poinz la grant loque pesant:fîert en la presse ou il la voit plus grant,a quatre cops en va dix occiant,en petit d'eure les va si départant15970 bien y alast un grant char charroiant.DXCVIIFrançois chevauchent courouciez et marri,tout pour Renier que turc ont assailli;a l'estour vindrent si ont leve le cri.Huimes seront paiens bien abaubi.15975 La veist on fier estour esbaudi,