U S M F L Pubblicazioni della Facoltà di Lettere e ... - Studi umanistici

les noz ocient a duel et a vilte.18895 Voit le Renier, a poi n'est forsene.Et Piecolet leur a haut escrie:« Cuvers françois, touz estes assote,qui pour Bertran estes ci arrive;mes nel verrez en trestout vostre ae,18900 a chevaus est le sien cors deciple. »DCCVIIQuant Piecolet a Renier entendua sa parole l'a bien reconneu.Renier li crie quant l'a aperceu:« Traître lerre, mal vous est avenu.18905 N'en partirai si vous avrai pendu,se ge ne rai mon ami et mon dru,Bertran le conte le vassal conneu,par traïson l'avez pris et vendu. »Piecolet l'ot, tout a le sanc meu;18910 lors se repent et dist : « Tant mar i fu.Ce poise moi que tel plet ai meuquar or me dout que n'en soie irascu. »DCCVIIIMoult est dolent Piecolet et marris.« He! las! dist il, con or sui escharnis.18915 Je fis folie quant je Bertran ocis,quar se il fust enquore sain et vispar li me fusse respiriez et guériset as françois apesiez, ce m'est vis.Mes or sai bien se ge sui par euls pris18920 de moult grief mort serai a la fin mis. »Lors se pourpense Piecolet li petisen quel manière s'en puist estre fuis.Mes, se dieu plest, il iert aconsuis,par le bon lerre sera Piecolet pris,18925 mes ainz avra moult de travaus sentis. f. 160 v 'Or vous dirons de nos barons gentis:de l'assaillir iert chescun talentis,