U S M F L Pubblicazioni della Facoltà di Lettere e ... - Studi umanistici

CDLXIIIDevant la sale ont désarme le roy.Es vous atant Brunamon le persoy.Quant voit Butor si li crie en sa loy:« Sire, dist il, por Mahomet vous proi,12500 se il vous plest aiez merci de moi.Se ne m'aidiez, certainement le croi, f. 124 r ~ !ne tendrai mes de ma terre plain droi;afole sui, dont j'ai au cuer conroi,del braz senestre, ne sai se g'en garrai. »12505 Butor l'entent si li tourne a ennoi.« Par Mahomet, dist il, en cui ge croi,Brunamon sire, sachiez, ce poise moi. »CDLXIVMoult fu Butor courouciez et irezde Brunamon qui estoit afolez;12510 adont conmande li paien deffaezque Maillefer li soit tost amenez,enz u despit de françois li desveziert esrament pendu et trainez.Cils li amainent de cui il iert gardez:12515 entour son col ot un quarkan getezet les deus poinz avoit estroit nouez.Butor l'apele le fort roy redoutez:« Cuvert bastart, conment fus si osezque Mahomet fu par toi adossez12520 et Tervagan le franc dieu honorezd'or et d'argent et tout fet et fourmez?Par toi est mort mes riches parentez,le roy Tiebaut et le roy Desramez;por le mesfet serez ja encrouez,12525 a unes fourches pendu et trainez. »Dist Maillefer: « Sarrazin, vous mentez:se estiez tant hardi ne osezque feissiez ce que dire m'orrez,dont seriez hardi et renonmez. »12502 plain doi; 12504 ne sa