U S M F L Pubblicazioni della Facoltà di Lettere e ... - Studi umanistici

CCCLXXVRenier le preuz Grymbert aresonna:« Amis, dist il, pour dieu qui tout fourma,ne fêtes mie Tabardin venir ça,10240 quar par fantosme ja hom n'amontera.Tant qu'a moi estes vous n'en ouvrerez ja,mes par proesce qui hardis esteravers sarrazins la tour chalengera. »Et Grymbert dist que ja ne li faudra,10245 mes bien li dist se le piour en aque ses karmins et ses sors getera,un tel serjant as paiens mosterrale plus hardi hors de leenz fuira.Renier l'entent durement i pensa:10250 lors li souvint dont moult s'espouentade Tabardin qui en mer s'amoustranoir et velu quant la mer tourmenta;adont Renier de Jhesu se seigna,ne se prist garde des paiens qui sont la.10255 Le seneschal moult bien le resgarda,bien s'aperçut, dont moult li ennuia, f. lll r "crestïens sont a ce qu'il aesma.Lors se pourpense conment en oùverra:en sa chambre entre, son vallet apela,10260 vin et clare a Renier envoia;pour ce le fist que il s'oubliast latant que li glouz sa gent armée avra.Se diex n'en pense qui le mont estoraRenier li preuz de ce ne se garda;10265 ainz qu'ait la tour en grant paine enterra;n'ot nule armure, dont moult li ennuia,fors l'auqueton, de tant bien li ala,et un coutel qu'avoeques lui porta.CCCLXXVILe seneschal fu plain de mal avis:10270 bien s'aperçut de Renier le marchisqui avoit fete la crois en mi son vis,bien set et voit qu'il n'estoit pas persis,