U S M F L Pubblicazioni della Facoltà di Lettere e ... - Studi umanistici

CDXIGrant fu l'assaut de la paiene gent,11095 li amirant s'escria hautement:« Seigneurs, dist il, ne vous alez faignant:prise iert la vile ainz le soleill couchant.Tuit li françois mourront a grant tourment,et de ma fille prenderai vengement. »11100 Dient paiens : « Nous ferons vo conmant. »A ces paroles vont les fossez rompantde grans viquois vont les murs dépeçant;ceuls dedenz gietent pierres par mautalent,paiens ocient et vont escervelant,11105 plus de cinq cenz el fosse graventant.Mes ne leur vaut un denier vaillissant:poi son li nostre et sarrazin sont tantvint sont contre un li glouton soudiant,par droite force vont les murs abatant.11110 Ydoine fu en la tour en estant,bien voit et set qu'or n'i avra garant,adont regrete Renier son chier amant :« Damoisiax sire, dist Ydoine en plorant,trop longuement alez ore atendant11115 quar ge sai bien trestout certainementse ge sui prise de la gent Tervagantmourir m'estuet a douleur cruelment,quar li mien pere me het moult durement.Or voi ge bien trestout apertement11120 mes ne verrai Renier en mon vivant.Relenqui ai por s'amour Tervagantet Apolin et Jupiter le grantet Mahomet, touz les vois adossant,por lui m'estuet mourir prochainement. »CDXII11125 En Rocheglise iert Ydoine esfreee,Renier regrete a la chiere menbree:« Damoisiax sire, dist la bele acesmee,por vous ai prise la loy crestiennee.Trop folement sui sanz vous demouree