U S M F L Pubblicazioni della Facoltà di Lettere e ... - Studi umanistici

125 a Maillefer ançois demanderonconment vodra que ses filz ait a non.Si con les dames devisent leur raison,vint Maillefer en la chambre a bandoh,pour sa moullier fu en grant marison130 car ne savoit s'ele estoit morte ou non.Guibourt apele doucement a bas ton:« Dame, dist il, pour dieu et pour son non,que fait ma feme? N'en faites celeson. »« Moult bien, biaus niez, n'i aiez soupeçon:135 un bel fil a a dieu beneyçon.Ce seroit bon au fons le portast on.Mais or nous dites conment avra a non. »« Dame, Reniers : car ce me semble bon,pour son ancestre, qui dieus face pardon,140 celui de Gennes qui tant fu voillans hon. »I XTout droit aus fons fu li enfes portez:Guibours le tint de qui il fu amez.La fu Guillaumes et Bertrans l'adurez,Gyrars et Guis dont vous oy avez,145 Guichars li preuz et Gaudins l'alosez,et uns evesques qui moult estoit senez.Un arcevesque y ot et troi abbez.Lors fu li enfes batisiez et levezet por son non fu Reniers apelez.150 Et Guillaumes : « Jamais ne me créezs'il ne sera encor rois coronez:signe a de crois ainsi con la veez. »Et dist Bertrans : « Dieus en soit aorez. »Ainsi parlant ez les acheminez;155 du grant palais montèrent les degrez.Moult fu cil jours hautement célébrezet li services solipnement chantez.Et après fu li maingiers aprestez:ce jour servi Guillaumes au cour nez160 pour les prelas qu'il a moult honorez. f. 53 v_l3150: Probabilmente da emendare: Et [dist] Guillaumes (Cfr. leNote Critiche).