U S M F L Pubblicazioni della Facoltà di Lettere e ... - Studi umanistici

4225 N'avrai secours par home, ce m'est vis,quar tray m'a Piecolet le petis.je croi et pens que il s'en est fouis;bien ai fiance, par douz Jhesu Cris,se le savoit Maillefer li hardis4230 secourroit moi, ja n'en seroit faintis.Mes n'en set mot, si en sui moult marris. >»A ces paroles est as querniax assis;par la fenestre a hors boute son visen la mer voit nés et chalans fetis,4235 et par desus y ot penonciax misblans et vermax et jaunes et persis:ce senefie, de ce fu Bertran fis,crestïens sont de France le païs.Bertran les voit moult s'en est esjois.CLXV4240 En Loquiferne, enz el plus haut estage,estoit Bertran a la dure courage:par la fenestre esgarde en la mer largesi voit venir maint dromont, mainte barge,et voit les crois dont son cuer s'asouage.4245 Li quens Bertran a dit a son barnage:« Seigneurs, dist il, or aiez bon couragele secours vient que mie ne se targe;ja le verrez entrer en cel rivage.Mort son paien, la pute gent evage,4250 mar nous a fet soufrir tant de malage;s'il plest a dieu or en aront hontage. »f. 77 r 'CLXVILi quens Bertran grant joie démenaquant vit les nés et les croiz avisa;bien set et voit que secours en avra.4255 Sa gent apele, liement dit leur a:« Le secours vient que mie ne faudra.Or soiez liez, ne vous esmaiez ja. »Endementiers que Bertran devisa,