U S M F L Pubblicazioni della Facoltà di Lettere e ... - Studi umanistici

el mois d'avrill, après mars et février,furent les noces en un jardin planier:les trois puceles font bien apparéillier17845 de riches dras et vestir et chaucier;la mere Ydoine font moult bien atirier.Bien s'atournerent Bauduin et Renier,Droon de Gresce et Robert le guerrier.Une chapele font bénir et seignier17850 un saint evesque qui moult fist a proisier.La messe y vont oyr li chevalier:le roy Grebuedes et Maillefer le fierles deus puceles y mainent sanz targier;a l'endestrer y ot maint haut princier.17855 Le bon evesque conmença le mestierde sainte eglyse que diex puist essaucier:grant fu l'offrendre de besans et d'ormier.Quant chescun ot espouse sa moullier,après la messe repèrent du moustier;17860 grant fu la joie el grant pales planier.Roy Maillefer couronna sa moullierde dix royaumes qu'il ot a justicier.DCLXXIIIDroit a Miessines, la cite enforcis,fu grant la joie des frans barons eslis;17865 roy Maillefer fu sus touz esbaudis,bien cuide avoir aquite son païs:mes a court terme sera forment marris.Or vient l'estoire, ou moult a de biaus dis,coment Bertran sera a la fin mis f. 154 v " !17870 par Piecolet qui de dieu soit honnis;mes en la fin en fu si mal baillis,de mort honteuse en fu mort et ocis,quar le bon lerre qui tant estoit seultis,par le grant sens dont il estoit apris17875 fu Piecolet et retenu et pris,le fel traître, le cuvert foy mentis.