U S M F L Pubblicazioni della Facoltà di Lettere e ... - Studi umanistici

DLXXXVers Morimont Gyrart s'en retornames ne li vaut quar trop avant ala.15510 Cils l'ont enclos qui ne l'ameront fa.Pierrus le fel hautement s'escria:« Gyrart, dist il, retournez a moi ça,quar le fuir noient ne vous vaudra.Je sui Pierrus, qui tant grève vous a,15515 au pardefin la vie vous toudra,mar vous tenistes contre moi quant ving ça. »Quant Gyrart ot le glouton qui cria,a sa parole moult bien le ravisa.Gyrart li dist quant de lui s'aproucha:15520 « Lerre, traître, mal ait qui vous porta.Parjures estes, dehet qui vous crera! »Lors trest l'espee qui luist et verdoiaferir le cuide, mes li glouz l'eschiva,quar un traître entr'euls deus se lança.15525 Gyrart le preuz si grant cop li donaque jusque el pis l'acier li convoia,mort le trébuche, onc ne brest ne cria;puis Sert un autre que le chief li copa.Voit le Pierrus a poi qu'il n'esraja,15530 a sa gent crie : « Prenez moi ce glout la.S'il vous eschape malement nous ira. »Adont l'assaillent, chescun l'avironna.En Morimont la nouvele en ala:as armes crient, l'un a l'autre dit a:15535 « Mal dehait ait qui Gyrart i laira,quar plus preudome sus cheval ne monta. » f. 141 r " bPour leur seigneur chescun s'abandonna.DLXXXIMoult fu Pierrus fel et mautalentis.Gyrart assaillent et lui et ses nourris;15540 bien se desfent conme ber posteis,mes de cuer iert dolenz et engramisde ce qu'il iert d'armes tout desgarnisfors seulement du brant qui iert fourbis.