U S M F L Pubblicazioni della Facoltà di Lettere e ... - Studi umanistici

555 cent mars d'argent vous m'en deliverrez,et avoec ce un cheval me donrezet une robe dont je serai parez;kar ja pour mains li enfes vous navrez. »Et cil li dist : a Ja desdiz n'en serez. »560 Au larron done toutes ses volentez,puis prist l'enfant, o tout s'en est tournez.XXVILe marcheant qui l'enfant achetariches hons iert et grant seigneurie a.A l'amirant qui Venice garda565 dot une rente qui molt li ennuia,pour son trievage en couvenant li achescune anee un enfant li donacrestïen masle, ainsi couvent li a.Et l'amirant une tel coustume a :570 touz les enfanz que cil li aportadonne a mengier a deus lyons qu'il a.Se diex n'en pense li enfes y mourrapar les lyons et devourez sera;c'iert grant merveille s'il en eschape ja.575 Diex, si grant duel Maillefer demenrraquant de son filz la nouvele savra.Or vient chançon, qui bien l'escoutera,c'iert de Renier que li lerres embla,qui tant de paine sofri et endura.580 Le marcheant sa nez bien atourna,a moult court terme en Venice en ira,a l'amirant l'enfant présentera.Mes tout avant dire me couvendrade Maillefer qui par la mer naja :585 tant ont siglie au vent qui les coitaPecolet garde, Loquiferne avisa;a Maillefer maintenant la moustra.Dist Piecolet : « Seigneurs, entendez ça :vez Loquiferne ou arriverons ja.590 Forte est la vile et moult de gent y a,a chescun lez un grant bras de mer va:c'iert grant merveille se nous les prenons ja.