U S M F L Pubblicazioni della Facoltà di Lettere e ... - Studi umanistici

CCLVI6540654565506555Gyres fu sage, en lui n'ot qu'amender.Quant il oy le roy d'Ysle parleret son neveu doucement regreter,adont se prist Gyres a pourpenser:de tel aage, a ce que puet esmer,fu cil Renier qui tant a de biautezquant l'acheta a Marseille sus mer.Mes n'en vout mie par devant touz parler,einzi en apele Renier lez un piler:« Damoisiax sire, moult vous doit on loer.Une besoigne grande vous veull conter. »Dist Renier: « Mestre, bien le veull escouter. »Touz se levèrent, si font l'eaue corner.Gyres a dist au dansiax qui fu ber:« Sire, fet il, ge vous veull conmanderqu'a ce roy fêtes moult grant honor portercar sus touz homes vous le devez amer. »CCLVII656065656570Gyres parla qui moult estoit senez:« Damoisiax sire, se vostre honor amezservez ce roy del cuer et l'onnourez:vos taions est, si voir com diex fu nez,et s'est vo pere Maillefer le doutez,kar as paroles m'en sui bien avisez:deus anz tout droit d'aage aviezquant a Marseille fu vo cors aportez. »Dist Renier: « Mestre, onques plus n'en parlez,vous me déistes l'autr'an, bien le savez,que li fel lerres de cui fui achetezvous avoit dit qu'en un bois m'ot hapez,et ce roy dit, que bien oy l'avez,f. 90 r " bque ses nies fu a Portpaillart robez;c'est une chose dont trop sui esfreez,quar se g'estoie de tel lignage nezmes pères fust Maillefer le doutez:moult par seroie certes beneurez. »