U S M F L Pubblicazioni della Facoltà di Lettere e ... - Studi umanistici

En prison est Maillefer le doutez,9555 paiens l'ont pris souz Loquiferne es prez,en tour Baudune la est emprisonnez.Et se li enfes fust en vie remezbien fust li règnes secourus et gardez,et Maillefer fust par lui délivrez.9560 Par cest mesfet me dout estre danpnez,quar par moi fu li damoisiaus emblez,si est le règne en grant perill remez.Se diex n'en pense de paiens iert peuplez. »Quant Renier a si fais moz escoutez9565 adont s'est bien li variez avisezque ce est il qui ainsi fu emblez :s'il en ot joie ja ne le demandez.f. 107 r " bCCCLIILe marcheant fist forment a loer,bien ot oy le larron resonner.9570 D'une part prist Renier a apeler:« Damoisiax sire, bien devez dieu amer,quant il vous a fet le larron trouverqui vous embla, bien l'ai oy parler.Or sai ge bien de voir tout sanz douter9575 qu'il me vendi vostre cors sus la mer:bien en porrai vrai serement jurer,kar as enseignes m'en sai bien aviser.Ceste nouvele irai dire et conterau bon roy d'Isle, se le voulez gréer.9580 Vos taions est, bien le devez amer,et s'est vo mere Florentine au vis cler. »Dist Renier: « Mestre, or me lessiez parler:il me couvient plus sagement ouvrer.En couvent oy la duchesse au vis cler:9585 a Morimont quant de li doi sevrerpremier li doi mon afere conter,tout mon secre et le mien non nonmer,que a nului, ce me fist creanter.Or n'en veull mie ma loiaute fausser,9590 par maie haste puet on poi conquester.Or vous dirai conment voudrai ouvrer: