U S M F L Pubblicazioni della Facoltà di Lettere e ... - Studi umanistici

CDXVIIIQuant Brunamon ot fet celui finerMahomet jure en cui se doit fierqu'il veut sa fille ardoir [et] embraserPaiens commande qu'il voisent alumer11275 un feu d'espines ou il voudra getercele qu'il veut a douleur tourmenter,et cil si font qui ne l'osent veer.Dehors la vile font un feu alumer,les trois puceles i fet le roy mener:11280 et quant Ydoine voit le feu embraseretla grant flamme encontremont alergrant paour ot quar bien cuidoit finer.A haute vois conmença a crier :«. Renier, biau sire, dist la bele au vis cler,11285 trop longuement pouez bien demourer!Or veulle diex de vostre cors penserquar a martire couvient le mien finer. »CDXIXSouz Rocheglise fu grant le feu espris,Ydoine pleure, la pucele au cler vis :11290 « Vrai dieu, dist ele, qui en crois fustes mis,au jour de pasques de mort resurrexis,enfer brisas s'en getas tes amis,si con c'est voir vrai pere Jhesu Chris,pensez des ames de ces trois pecherris11295 qui por vous ont guerpi les diex chenins,et guérissiez le damoisel de prisRenier li preuz qui tant est bien apris.Moult sui dolente qu'il n'est ça revertis,bien fust mon cors vers paiens contredis. »11300 Ces mos entent Brunamon le persis,de duel et d'ire li est le cuer espris,paiens escrie si que bien fu ois :« Or tost, dist il, que n'i ait respit quis,prenez esrant cele lisse meautris,11305 ces trois putains dont sonmes escharnissi soient arses el despit leur amis. »