U S M F L Pubblicazioni della Facoltà di Lettere e ... - Studi umanistici

CDXLVILi sarrazin la pucele angoissa:11995 a un grant arbre si forment la loia,d'une cordele si fort destrainte l'aque par un poi qu'ele ne dévia.A une branche ses tresces atacha,mien escient qu'il la vergondast ja,12000 quant la pucele un grant cri regeta.Renier l'oy qui par le bois ala,cele part queurt ou le cri escouta :en ses deus poinz une mace portaonques buisson ne ronce n'esperna,12005 mes vers le cri au plus droit s'adreça.Mes son haster moult petit li vaudra:une rivière li damoisiaus trouva,d'une montaigne enz el val avala,si roidement contreval ravina,12010 ce semble abysme qui de près l'esgarda.Renier la voit forment la redouta,n'est pas merveille se entrer n'i osa :noire et hideuse l'eaue li sembla,sus la rivière ne pont ne planche n'a,12015 ne nef ne barge ne guez onc n'i trouva,s'il se met ens grant folie fera,vint piez de haut saillir li couvendraançois qu'il viegne ou l'eaue trouvera.f. 121 r_bCDXLVIIRenier li preuz fu forment courouciez:12020 voit la grant eaue qui descent des rochiers,les rivers hautes et les desrubans fiers,plus tost couroit, de verte le sachiez,que ne feroit un quarrel descochiezd'un arbaleste, tant soit bien envoiez.12025 « Diex, dist Renier, com or sui engingniez.Ice haut cri qui el bois fu huchiezfist la pucele por cui sui travelliez,la bele Ydoine por cui sui courouciez.Mes or voi bien, vrai dieu, quar li aidiez,