opera quae supersünt omnia. - ARCHIVE OUVERTE UNIGE

197 1560 SEPTBMB: 193
sont ingérez par tous moyens à eux possibles de
nous mettre en discord les uns avec les autres. Et
à ce faire nous ont voulu induire par belles promesses,
ce que n'ayans peu faire se sont aydez de
menaces. Mais voyant que ces ruses ne leur pouvoyent
en rien secourir ils nous ont persécutez voire
iusques dedans nos manoirs mesmes. Premièrement
ont assailli le pais de Fiff ou je me tenois alors
pour encourager les gentilshommes du pays:
l'ennemi mesme pourra tesmoigner de l'assistance
que Dieu nous a faicte contre leur furie et force,
car n'estant que six cents chevaux, nous leur avons
faict teste et empesché de gaster le pays l'espace
de 24 iours, et eux marchans en bataille les avons
escarmouchez en telle sorte qu'ilz n'en ont remporté
ni profit ni gloire. Et à la fin estans en
leur plus grande furie, ayans conclud la destruction
de S'. André, cité lors la mieux reformée du pais,
Dieu a tellement empesché leur entreprise quil nous
a donné une vive experience du soin paternel et de
sa providence envers nous. Car estant l'ennemi
approché à trois lieux près de ladite cité la veue
seule de huict navires le rendit si estonné quil s'est
retiré. Et en se retirant a plus faict de chemin
en un iour quil ne s'estoit avancé en trois. La
retraicte ne luy estoit moins difficile qu'espouvantable.
Et ainsi il s'est retiré avec quelque petite
perte à streling et de là à lislebourg trouver la
royne. Unne nouvelle consultation fut prise pour
nous donner de la fascherie et de faict lesdites
compagnies furent envoyées à Glasgow pour destruire
et ruiner les amis, les terres, les chasteaux et palais
de Monsieur mon père. Mais Dieu merci le profit
qu'ils en ont remporté à leur retour n'a point esté
plus grand que celui de la premiere journée. Leur
principale estude estoit de gaster et brusler les vivres,
et combien qu'en ce poinct ils se soyent monstrez
fort vaillans et dilligents si est ce toutesfois
que Dieu nous a faict fourniture suffisante tant
pour nous que pour ceux qui estoyent venus a nostre
ayde. le ne veux escrire le long et dangereux
siege de Petit lict, ne les hazars ausquels la noblesse
s'est souvent trouvée, ne la ioyeuse paix, 8 ) ne les
conditions d'icelle, pource que ie m'asseure que ces
choses sont desia venues à vostre cognoissance. le
vous veux seulement avertir d'une chose c'est que
si aucun nous accuse d'avoir rompu ou violé quelque
article de la paix de ne leur adiouster foy.
Car en ce qui touche l'article du clergé et des
Evesques, comme ils veulent estre nommez, nous
l'avons si bien gardé qu'on leur a plus faict de bien
qu'on n'en estoit tenu par promesse. Car oultre
ce que personne ne leur a faict tort en corps ne
en biens, depuis le iour de l'appointoment iusques
2) du 7. Juillet.
au partement (chose à laquelle nous sommes seulement
obligez par contract) nous leur avons donné
voix en parlement, s ) lieu de poursuivre ceux qui
les avoyent offencez, et nostre protection pour se
tenir avec nous ou de s'en aller librement. Mais
si tost que nos ministres les ont confrontez par
leurs lettres et presences et qu'ils se sont offerts
de prouver qu'ils n'estoyent pas les vrais
ministres de l'Eglise de Iesus Christ et par ce
moyen indignes du nom et office d'Evesques, ils
s'en sont onfuys la nuiot, pensant par ce moyen
et ruse dissouldre nostre parlement. *) Mais Dieu
en sa grace ne nous a laissez sans conseil, ains
nous a révélé les moyens pour obvier et rencontrer
leurs finesses et tromperies. Premièrement nostre
procedure a esté telle que par la commune voix du
Parlement le Pape sa jurisdiction et authorité usurpée
a esté abolie et annullée en ce Royaume, la
messe a esté deffendue comme idolâtrie et chose
très contraire à la vraye institution de la saincte
Cène de nostre seigneur Iesus Christ. Les messificateurs
et auditeurs de la messe seront condamnez
pour la premiere fois à la confiscation de leurs
biens, pour la seconde seront bannis et pour la
troisiesme punis de mort. Les Evesques susdits de
S. André Dumbaild et Dumblanc 8 ) avec autres de
leur faction ont esté prononcez indignes de function
Ecclésiastique et d'aulcun gouvernement en ce
royaume pendant quils persisteront en leur obstination.
Ces actes et autres, ensemble la Confession
de nostre foy, laquelle nous avons déterminée envoyer
à nos souverains le Boy et royne, ont estez
accordez et concluds par le consentement public du
parlement qui n'est encores fini et ce à cause que
la confirmation des choses qui se faisoyent en nostre
parlement ne sont encore venues de franco
comme a esté promis par les ambassadeurs et par
leur contract. Il est bruit que lo Cardinal et ses
complices se vantent de nous faire encores de la
fascherie et qu'à ceste cause on se diligente de faire
armée contre nous, nostre bon Dieu toutpuissant
cognoist nostre jnnocence, nostre confiance est en
luy seul, nous remettons nostre cause entre ses
mains et vous prions nous avoir en souvenance
à vos prières et aussi vous recommandons nostre
jnnocence contre les langues venimeuses de ceux
qui ne se délectent qu'à controuver et chercher
3) The chief patrons of the old religion, as the archbishop
of St. Andrews and the bishops of Dunblane and Dnnkeld,
conntcnanced the assembly by their presence and were
allowed to act with freedom as lords of parliament (UPCrie,
Knox I. 328).
. 4) qui Jetait assemblé le lr. Août. Le 17 il adopta
la confession rédigée en quatre jours par Etiox et le clergé
réformé. (MCrie Knox I. p. 330 ) Le 24 fut abolie la messe
et la jurisdiction papale (ibid. 333).
ö) sic.
13'