opera quae supersünt omnia. - ARCHIVE OUVERTE UNIGE

295 EPISTOLA 3307. 29G
3307.
FERMES A CAL YIN.
Excuses longues et fort embrouillées en vue de
reproches dont on n'apprend pas le sujet malgré la
prolixité de l'écrivain d'ailleurs inconnu.
(Autographe de la bibliothèque de Genève. MS. 196, fol. 147.)
Monsieur Monsieur Cal.
de Bourges.
Salut per Jesus Christ nostre Seigneur.
Monseigneur, jay receu des lettres de Monsieur
Maistre Nicolas Coladon envyron lemmy mois de
Juillet dernier passe 1560') ou il me mande qu'il
sesmerveille comment je demende tant souvent
responce veu que jen ay eu. Sy jen avois veu quelque
chose jl auroit raison. Il est possible que ses
lettres sont tombées entre les mains daulcuns de
lassemblee lesquelz ne me les ont vouluz communicquer
après les en avoir souvent requis. Aulcuns
dentre eux ont bien diet qu'ilz avoient veu quelques
lettres mais quilz ne les me monstreroient. Il me
semble quilz les me debvoient bien monstrer pour
la consequance du cas et des accusations qu'ilz disent
en jcelles estre contenuz, aussy a fin de me
purger. En quoy jlz ont montrez bien peu avoir
de charité entre eux. Ung dentre eux nomme
Grève a bien ose mentir disant qu'ilz les avoit donnés
a ma femme. Mais nous prouverons le contraire.
Il me mande qu'il y a eu certains tesmoings lesquelz
ont porte tesmoingnage contre moy. Ilz ont
mal donne a entendre et me semble que silz ny
avoit de la dissimulation en eux quilz me le debvoient
bien dire. Depuis sept ans et davantage que jay
este par plusieurs fois de par delà conversans beuvans
et mangeans avec eux. Parqnoy je ne puis
entendre quilz nayent mys derrière tous debvoirs de
chrestiens, ou bien quilz ne favorisent a aulcuns
pour amplifier la matière. Or jay sceu de bouche
par quelcun qu'on m'avoit notté pardela davoir mené
une femme parler a son mary eu la presence de
gens de vostre lieu et du lieu dou elle estoit natif
ve: cela fismes nous sans pensser a la livrer a son
mary. Comme on prouvera quelle ha demeure depuis
par lespace dung an Et demy depardela Depuis
que jen fus partis et la ou on me vouldroit
notter jl fauldroit aussy appeller plusieurs autres
qui estoient ses familiers et de son pais mesmes qui
aussy le congnoissoient mieux que moy et demeu-
8307.1) Ceci nous permet de ranger cette lettre vers la fin
de la même année ou plutôt dans les premiers mois de Vannée
suivante.
rent encores a present entre vous. De vouloir aussy
dire que jaye aulcune alliance avec cest hereticque
on prouvera que je ne lavois jamais veu ny congneu
et ne le vis jamais depuis. Or il est vray que
quelques ungs (jl y ha plus de sept ans) donnèrent
quelques choses a entendre au consistoire ou je fus
appelle et mestant trouve audit lieu jl fust trouvé au
lieu de mon nom le nom d'ung nomme Martin et pourtant
a ceste heure la je ne fus oys. Plus je men allay
le lendemain parler a Mr. de Sainct Andre qui pour
lors estoit M. 2 ) et congnoissoit laffaire myeux que •
'les aultres a cause du pais lequel ayant oy le discours
m'envoya en paix, tesmoing Guillaume Vignot
boulenger d'en près de la Magdelaine. Jay mandé
a M. Coladon pleusieurs fois s'il estoit besoing que
je y allasse en personne que je y irois. Mais je
n'en ay eu aulcunes responces. Car je ne suis rebelle
mais corrigible ou je congnoistrois avoir failly,
prest a recongnoistre ma faulte et demander pardon
comme je doibz. Davantaige jcelluy Coladon me
escript que je luy tinst dernièrement quelques propos
lesquelz me rendrons suspeetz : Reprend aussy
de ce que sy bref je mestoy party de la comme
craingnant la touche. Mais jl scait que je luy avois
diet les causes pourquoy. Et ce qu'il diet quon luy
a rapporte que jestois sorty a heure jndue on trouveroit
au contraire. Puis il diet qu'il vous en ha
diet comme on luy en ha diet mais hors vérité. Il
ha mal entendu, pourtant vous ha il mal rapporte.
Or jl nest ja besoing Monsieur de vous en escripre
davantaige pour éviter prolixité: aussy avez vous
assez douvraige taille dailleurs en loeuvre du Seigneur
et pon8se que nen navez pas moins que je
vous en ay veu avoir par le passé. Il suffiroit pour
scavoir tout le discours de leglise de deçà que les
lettres que M. Colladon a receu depuis deux ou trois
ans vous fussent presentees. Et me semble que ne
vous debvoient estre cachées. le dis cecy pource
quil est venu ung homme de bien (ayant bon tesmoignage
de leglise de pardela) lequel ma diet qu'on
vous cache noz lettres et aussy je croy que sy en
eussiez eu la cognoissance que depuis deux ou trois
ans y eussiez remédie. En la fin de ses lettres jl
me mande que je maccorde avec Messieurs de l'Eglise
et quil me tiendra pour frère suivant son dire (combien
que plusieurs fois jay faict le semblable). Jay
parle a Messieurs les diacres et gouverneurs de 1Eglise
pour scavoir (après avoir tousjours faict ainsy,
depuis trois ans) s'ilz me vouloient recepvoir comme
le plus petit dentre eux me soubinectans a toutes
choses raisonnables suivant là parole du Seigneur
leurs prians aussy n'avoir esgar a leurs haines ou
mauvaises affections et plustost me manifester pourquoy
tant de temps mont délaisse tenant leur
2) ministre?