opera quae supersünt omnia. - ARCHIVE OUVERTE UNIGE

507 EPISTOLA 3414 508
3414.
MERLIN A CALVIN.
La Buchesse de Ferrare s'est décidée, sur ses
instances, à demander un ministre à Genève. Il espère
en venir là aussi avec M. de Longueville et sa
mère. Dénonciation d'un certain Denise qui a été
récemment démasqué.
(Autographe de la Bibl. de Genève MS. 196, fol. 145.)
A Monsgr. Monsgr. d'Espeville.
Salut par nostre Seigneur. Monsieur et père,
depuis que ie vous eux escrit par un laqais de
Monsr. VAmiral ie fus a Montargis 1 ) vers Madame
la duchesse de Ferrare, laquelle de sa grace, depuis
la premiere fois que ie fus a la court, me voit
aussi volontiers et me reçoit avec aussi bon visage
qu'il est poussible. J'ai tasche de luy persuader
de servir a Dieu avec hardiesse et de renoncer a
toute idolâtrie. Mais ie l'ay tousiours trouvée merveilleusement
infirme et fort abbatue a cause de
sa chutte après avoir faict profession de la vérité.
Elle m'a mis en avant une infinite de respects et
craintes qu'elle avoit qui lempeschoyent de donner
gloire a Dieu. Je me suis efforce selon la grace
que Dieu m'a faicte de luy remonstrer non seulement
que toutes choses doyvent estre postposees au
devoir duquel nous sommes tenus a Dieu, mais
aussi qu'elle se donnoit crainte de plusieurs choses
en vain et qu'elle s'arrestoit a plusieurs choses de
néant: ce qu'elle faisoit. Au commencement i'y ailois
le plus doucement qu'il m'estoit poussible, mais
voyant que ie n'y prouffitois rien ie oommençay de
luy proposer le iugement de Dieu, singulièrement
quand ie parlois a part avec elle. Mais pour tout
cela ie ne proufitois rien sinon quelque legiere promesse
de le faire quelque fois, tellement que i'en
avois presque perdu toute espérance. Advient que
quelque personnage de grande estime, qui avoit
grande entree vers elle, me dit qu'il avoit entendu
d'elle qu'elle m'avoit en fort grande estime et commence
de m'adiurer que i'eusse a faire mon devoir
pour luy faire quitter l'idolâtrie et servir a Dieu
franchement: me disant qu'il scavoit que si ie n'en
venois a bout personne ne le pourroit a grande
peine obtenir d'elle, et me met en avant les grands
biens qui en viendroyent pour l'édification de l'église.
Et combien que ie luy racontasse ce que
i'en avois faict si ne se contente il point, ains me
3414.1) Dépt. du Loiret, à peu de distance de Châtillon sur
Loing, où était le domaine de la famille à laquelle appartenait
Coligny.
presse de plus fort en plus fort. Gela fut cause
que la premiere fois que ie fus vers elle ie la pressay
si rudement du iugement de Dieu qu'elle m'accorda
qu'elle laisseroit du tout l'idolâtrie et qu'elle
auroit un ministre. Le diable aida beaucoup a ce
que ie pretendois en cuidant l'empescher. Car les
prostrés sachans que i'estois la luy baillèrent divers
assaux, s'aidans du baillif qui faict l'entendeur
et sous ceste couleur a entree vers elle. Elle
qui est fort infirme se trouva a chacune fois en
crainte et perplexité et pour avoir mon avis m'envoye
quérir. Dieu me donna tel conseil qu'il luy
fut bien aise de mespriser tous leurs efforts (qui a
la vérité n'estoyent rien a elle) et de remettre sus
la crainte de laquelle ils la pensoyent estonner.
Gela luy,accrust de beaucoup le désir davoir un
ministre auquel elle se peut conseiller. En somme
elle print resolution qu'elle en auroit un si luy
estoit poussible le trouver, et m'asseura qu'elle persisterait
en la religion et confession de vérité iusques
au bout, et qu'elle defendroit son ministre
iusques a mettre en danger et sa personne et son
estât pour la conservation d'iceluy. Parquoy elle
me commande (il est vray qu'elle usa de prières,
mais ses prières me sont commandemens) que ie
vous escrivisse en son nom pour luy en faire avoir
un. Cependant elle me descrivit quel elle le voùloit.
Premièrement elle n'en veut point de ieune
ny aussi de trop viel, mais un qui soit environ de
mon aage, afin qu'il puisse porter le labeur et ayt
gravité et murté. Elle le veut ayant la crainte de
Dieu a bon essient, grave, n'aimant point a entretenir
femmes ou filles, non causeur ny trop ioyeux
en parolles, craignant que cela ne le fit mespriser.
Item elle veut qu'il soit scavant pour respondre
aux adversaires et pour bien instruire et elle et sa
maison et la ville de Montargis la ou elle faict
maintenant sa demeure ayant laissé la court. Mesmes
elle pretendroit de l'opposer au cardinal de
Lorraine, qui luy a promis de vouloir disputer et
de s'accorder a ce qu'on luy monstrera par l'esoriture
estre véritable (vous ne le croyez pas, aussi
ne fay-je) promettant cependant toute asseurance.
Car elle desire grandement que ceste maison la fut
édifiée a cause de sa fille, 2 ) mais elle ne veut pas
pourtant mettre aucun en danger. Elle vous escrit
son vouloir, se rapportant a ce que ie vous en escriray.
Je vous supplie vous efforcer de luy eà
envoyer un tel. Car vous scaves combien cecy est
de grande importance a levangile. Si Dieu faisoit
sa volonté de la Royne, le gouvernement de la personne
du Roy et de messieurs ses frères viendrait
entre ses mains, pource que celles qui sont plus
proches sont mariées a princes estrangiers. Davan-
2) Anne, mariée au due François de Guise.