opera quae supersünt omnia. - ARCHIVE OUVERTE UNIGE

643 EPISTOLAE 3491—3492 644
ilz estoyent tant molestez par les hérétiques. Il y
en a qui adioustent que le Cardinal de Lorraine
avoyt esté d'avis qu'on abbatist toutes les images
des temples pour faire la paix entre les peuples et
qu'on ne parlast plus latin, ne en sermons ne en
prières: mais ie ne tien pas cecy pour article de
foy. Nous avons entendu à ce matin quon avoit
mis en deliberation au conseil si nous devions estre
ouys selon nostre requeste. Mais la Royne a
tranché tout court, quelle ne vouloyt point quon
deliberast de cela, mais quelle vouloyt que nous
fassions ouys, qu'on regardast seulement aux conditions
par nous proposées. Les Ecclésiastiques qui
estoyent là presens ont dit qu'ilz. ne vouloyent rien
respondre de cest affaire, qu'ilz n'en eussent parlé
à leurs compaignons, d'autant qu'ilz y avoyent interest.
Ainsi nous attendons qu'ilz respondent a
nos conditions. Au surplus Monsieur de Beze vous
esorira d'une rencontre qu'il eut hier soyr cheux le
roy de Navarre, ") qui me fera clore ma letre par
mes treshumbles recommendations à vostre bonne
grace et de tous Messieurs nos frères, priant Dieu,
Monsieur, qu'il vous conserve et augmente toutes
les graces qu'il a mises en vous. De Sainct Germain
en Laye ce 25 d'Aoust 1561.
Yostre humble filz et tresobeissant serviteur
F. De Morel.
3492,
MERLIN A CALVIN.
Nouvelles de Paris. Arrivée de Beze. Audience
du Boi. Liste des minisires présents. Béconciïiation
de M. de Guise avec le prince de Condê.
(Autographe de la Bibliothèque de Génère. MS. 196, fol. 183.)
A Monsieur Monsieur D'Espeville.
A Vülefranohe.
Salut par nostre Seigneur. Monsieur, je vous
ay escrit dernièrement toutes les nouvelles de par
deçà qui estoyent venues a ma cognoissance qui
meritoyent d'estre escrites. Le porteur est M. de
Popincourt, frère de Monsieur le thresorier Bertrand.
Maintenant i'adiousteray ce qui est survenu après.
Monsieur de Bese est Dieu merci arrivé en bonne
santé fort desire de nous. Ce soir passe luy allant
11) avec le cardinal de Lorraine (N. 3490).
en la chambre du roy de Navarre il y rencontre
la royne, le Cardinal et plusieurs autres. Il fut recognu
et fit la reverance a la royne. Le cardinal
entre en plusieurs disputes avec luy, entre autres
de la cène. Quand M. de Bese met en avant la
sottie de la transsubstantiation le cardinal dit quon
ne parloit plus ainsi et dit quil ne seroit iamais
d'avis qu'on fit scisme en l'Eglise pour cela. Bien
disoit il qu'on la pourroit bien maintenir, mais qu'il
n'en vouloit pas venir la. Et après que M. de Bese
eut monstre quelle convention il y avoit entre les
signes et la chose signifiée et quelle en estoit la
participation, le cardinal se contenta et dit a la
royne qu'il en falloit croire en ceste sorte la. Lors
M. de Bese dit a la Boyne: Voyla, ma dame, quelle
est la foy de ceux qu'on a si rudement traites
comme sacramentaires. Le Cardinal adiura M. de
Bese de communiquer souvent avec luy. Il y advint
une chose fort a propos. Ma dame de Cursol,
la liberté de laquelle est partout cognue, dit lors
a M. de Bese: Voyla le cardinal homme de bien
auiourdhui et demain tel qu'au paravant. Le Cardinal
oyant cela fit toucher M. de Bese en sa main
luy promettant qu'il luy feroit cognoistre quil n'estoit
pas si noir qu'on l'avoit faict par cy devant.
Voyla les principaux poincts desquels ie me
puis souvenir selon le récit que nous en a faict
M. de Bese. Car lors nous n'estions pas avec luy.
Il vous en pourra plus au long escrire et plus a
la vérité. Nous avons présenté une requeste au
Roy, de laquelle M. de Cohnges vous en envoyé
un double. Quant aux conditions qui y sont annexées,
*) i'eusse bien desire que plus de gens y
eussent pensé. Mais moy estant le premier arrivé
à Paris de ceux que les Eglises avoyent nomme
pour ce Colloque eu charge de leglise de Paris dy
penser. le les dressay environ en la sorte qu'elles
sont et depuis furent approuvées par leglise de
Paris et par quelques uns des ministres qui avoyent
estes envoyés pour le colloque, et Enablement par
les deputes des Eglises de France qui suyvent la
court. Pource que la requeste fut presentee avant
que tous fussent arrives on ne le peut pas communiquer
aux absens. Toutesfois ie n'ay pas entendu
qu'aucun y desirast quelque chose. le desirerois
bien entendre si vous y desires quelque chose, non
pas pour ce fait cy, car il ny a nul remède, mais
pour l'advenir, si quelque telle chose se presentoit.
Nostre requeste fut presentee au Roy 2 ) la Royne
présente, les princes du sang et plusieurs autres.
M. de S. Paul fit la harangue estant avec M. Marierai
(car il fut advisé quils ne seroyent que deux
ministres avec les députés), et fut la harangue trop
3492.1) Bist. eccl. I. 491.
2) le 17. Août, (Eist, eccl. I. 490.)