Create successful ePaper yourself
Turn your PDF publications into a flip-book with our unique Google optimized e-Paper software.
Фелек бир еди башлы эдждерхадур,<br />
Ки накъд-и омр-и адем ход гъыдадур.<br />
Нидже шахлар келюр анда олур мат,<br />
Мурад узьре сюрюльмез бунда хич хат», — дей.<br />
Месневининъ сонъки сатырларында «Кимсе бу фаний дюньядан<br />
о бир дюньягъа тойгъандже яшап кетмеди. Нидже падишалар<br />
ве ханлар да бу укюмге огърадылар» деп айтыла. Бойле этип,<br />
насиатлар бериле:<br />
«Гечюрме гъафлет иле рузигярунъ,<br />
Ки вар икен, элинъде ихтиярунъ.<br />
Дилерсинъ ким, ириширсинъ кемале,<br />
Тевеккюль къыл хер иште Зульджеляле».<br />
«Долаб» месневисиндеки:<br />
«Ики алемде истерсенъ ферагъат...<br />
Ки таат къыл, диле Хакътан ризайы».<br />
киби сатырларда эсернинъ эсас манасы бильдириле. Бу сатырларда<br />
дюньяда эр бир шей Аллахнынъ ризасы иле олгъаны анълатыла.<br />
Онынъ ичюн эр бир инсан эр бир шейге даянып, Аллахкъа итаат<br />
этеджек, такъдирине бойсунаджакъ, инанаджакъ, онъа коре<br />
арекет этеджек, давранаджакъ, такъдирнинъ буюргъаныны<br />
япаджакътыр. Демек, Гъазаийнинъ «Долаб» месневисиндеки<br />
долаб сымасында джианда яшагъан бутюн инсаниетнинъ аятий<br />
маджерасы (адисе-вакъиалары) айдынлатыла.<br />
Бойледже, Гъазаийнинъ яратыджылыгъы зенгин асабалыкътан<br />
къалгъан муджизедир. Бу эсерлернинъ зевкъы, лезети ве фельсефеси<br />
миллетимизнинъ рухий дюньясыны зенгинлештирмек<br />
ичюн хызмет эте. Осеяткъан несильге алидженаплыкъ,<br />
темизгонъюллилик, инсаниетлик киби ислерни ашлай.<br />
Суаллер ве вазифелер:<br />
1. «Долаб» месневисининъ мундериджесинде не акъкъында<br />
айтылгъаныны тариф этинъиз.<br />
2. Долап сымасында насыл адисе-вакъиалар тасвир олуна?<br />
Анълатынъыз.<br />
3. Долап хангъа мураджаат этип, онъа насыл насиат бере? Мисаль<br />
кетирип, фикиринъизни беян этинъиз.<br />
4. Дестаннынъ сонъки — эсас мана ташыгъан сатырларында насыл<br />
фикир бильдириле? Джевабынъызны мисальнен ифаделенъиз.<br />
104
Change language