Create successful ePaper yourself
Turn your PDF publications into a flip-book with our unique Google optimized e-Paper software.
Акъарды хер заманлар дешти сары 1<br />
Реван олуп аягъым чешме сары. 2<br />
Тутып хер янымы: къолум, будагъым —<br />
Чемен узьре тутып 3 , хердем аягъым.<br />
Башымда къумру 4 ве тугърач 5 отерди,<br />
Земинимде нидже гуллер битерди 6<br />
Либасым 7 гех ешиль, гех ал олурды,<br />
Хазан вакъты зерим памал олурды. 8<br />
Бенефше 9 баш урурды сола-сагъа,<br />
Нихал-и невресим 10 дуруб аягъа.<br />
Сафа иле 11 тутып джамыны ляле.<br />
Сачарды джюръасыны хаке джале. 12<br />
Олуп нергис 13 гозю хер гидже би-хаб 14<br />
Олурды нукл-и меджлис анда хуннаб. 15<br />
Эсюп бад-и эджель 16 нагех 17 йыкъылдым,<br />
Кесильди бих-и омрюм 18 анда бильдим.<br />
Бюке гельмез иди хергиз 19 кеманым,<br />
Йыкъылдым къалмады таб-у туваным.<br />
Хеман дем кесдилер къолум, будагъым,<br />
Сюрмек ичюн бири дельди аягъым.<br />
_________<br />
1<br />
дешти сары — дешт, къумлукъ, чёль тарафларгъа таба<br />
2<br />
реван олуп аягъым чешме сары — акъа рухум, джаным чешме бою<br />
3<br />
чемен узьре тутып — чечеклер ве ешилликлер иле толгъан чайыр<br />
устюнде тутып<br />
4<br />
къумру — къушнынъ ады рус: горлица<br />
5<br />
тугърач — торгъай<br />
6<br />
земинимде нидже гуллер битерди — ер юзюнде (еримде) нидже<br />
гуллер осер эди<br />
7<br />
либасым — урбам, кийимим<br />
8<br />
хазан вакъты зерим памал олурды — кузь вакътында алтыным (сары<br />
япракъларым) аякъ астында (тюбюнде) къалыр эди<br />
9<br />
бенефше — мелевше<br />
10<br />
нихал-и невресим — янъы осип чыкъкъан тазе фиданым<br />
11<br />
сафа иле — гонъюль шенълиги, зевкъы иле<br />
12<br />
сачарды джюръасыны хаке джале — сачар эди сонъки ютумыны,<br />
чыкъ киби сонъки ютумыны топракъкъа сачар эди<br />
13<br />
нергис — рус. нарцисс<br />
14<br />
би-хаб — юкъусыз, уяныкъ<br />
15<br />
олурды нукл-и меджлис анда хуннаб — бу даиреге<br />
топлашкъанларнынъ акъшамы маналы олур эди<br />
16<br />
бад-и эджель — эджель еллери, эджель рузгяры<br />
17<br />
нагех — апансыздан, вакъытсыз, оппадакътан<br />
18<br />
бих-и омрюм — омрюмнинъ темели, тамыры, омрюмнинъ къайнакъ<br />
деври<br />
19<br />
хергиз — аслы, ич бир вакъыт, ич бир заман<br />
106