You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
МУСТАФА ДЖЕВХЕРИЙ<br />
(?...—1720)<br />
Мустафа Джевхерий XVII асырнынъ орталарында догъып, 1720<br />
сенелери вефат эткен. О, XVII асырда Ашыкъ Умернен бир сырада<br />
тургъан ашыкъ эдебиятынынъ темсильджилеринден биридир.<br />
Мустафа Джевхерий медресе тасили корьген ве диван<br />
эдебиятыны терен бильген бир зат олгъан. О, мемлекеттен<br />
мемлекетлерге сеферлер япкъан, чокъ диярларны бойлап юрген.<br />
Атта Шам, Арабистан, Румелиде де олгъан.<br />
Буюк истидат саиби Джевхерий шиирий эсерлерини эки услюпте<br />
язгъан. О, эм диван, эм саз тарзы шиириетинде иджат эткен.<br />
Эм диван, эм саз тарзы классик шиириетинде иджат эткен<br />
шаирлернинъ эсерлеринде ватангъа, севгилисине ве аяткъа нисбетен<br />
асретлик дуйгъулары тасвирлене. Эсерлерде тасвирленген<br />
асретлик дуйгъулары фельсефий фикирлер иле бирлеше, айры бир<br />
мевзуларнынъ пейда олмасына мейдан ярата. Эсерлердеки фикир<br />
ве дуйгъулар юксек бедиетлик иле ифаде олуна.<br />
Шаирнинъ иджадында айрыджа ер туткъан мустезат ве семаилер<br />
— диван тарзы классик шиириет услюбинде язылгъан эсерлер<br />
сайылырлар. Юксек бедиийликке ляйыкъ олгъан къошма, тюркю,<br />
мани ве теджнислер классик шиириет услюбинде язылгъандыр.<br />
Мустафа Джевхерийнинъ шиириети дигер саз шаирлерининъ<br />
иджады киби, чокъусы асретлик, ашыкълыкъ, къадын-къызнынъ<br />
дюльберлигини ифаделеген мевзуларгъа багъышлана.<br />
Шаирнинъ 11 эджанен язылгъан къошмаларында ватан<br />
асретлиги ве гъурбетликнинъ инсан такъдириндеки аджджысы,<br />
джефасы акс олуна.<br />
«Я, Раб, нидже олур шу гъарип алым» киби къошмасында<br />
Джевхерий дюньяда олып кечкен аятий ал — гъурбетлик<br />
маджерасыны мергин ибарелер иле тасвир эте:<br />
146