Create successful ePaper yourself
Turn your PDF publications into a flip-book with our unique Google optimized e-Paper software.
Бу абиделернинъ тилинде расткельген «сарыкъ алтун (сары<br />
алтын), кумюш, къыз, бильгесин ичюн (бильгени ичюн),<br />
къазгъанмасам (къазанмасам), иль йине (иль кене), улугъ болтым<br />
(улу олдым), Темир къапыкъкъа (Темир къапыгъа) йана кельти,<br />
(кене кельди), йити яшта къалты (еди яшында къалды), боз<br />
ат бинип (боз ат минип) киби сёзлер бизге бугунь де пек яхшы<br />
анълашыла.<br />
Бойледже, Орхон (Коктюрк) абиделеринде Ильтирис, Бильге,<br />
Куль Тигин Къагъанларнынъ везирлери Тоньюкъукънен тюрк<br />
миллетини бирлештирмек ичюн япкъан хызметлери тариф олуна.<br />
Бу абиделернинъ мундериджесине бирлик, къудрет, аманлыкъ<br />
киби гъаелер синъдирильген. Абиделернинъ бедиий эмиети де<br />
шундадыр.<br />
Абиделерде буюк къыйынлыкънен бирлешип, мейдангъа кельген<br />
тюркий къабилелернинъ тарихы акс олунгъан. Тюрк миллети<br />
абиделерде айтылгъан насиат ве васиетлерге илериде къулакъ<br />
асмаса, девлетчилигини джоя биледжеги де табир олунгъан.<br />
Шунынъ ичюн бу абиделер тюрк миллетине догърултылып<br />
айтылгъан бирлик, къудрет ве аманлыкъ орьнегидир.<br />
Суаллер ве вазифелер:<br />
1. «Куль Тигин» ве «Бильге Къагъан» абиделерининъ муэллифи<br />
кимдир? Бу инсан о девирде насыл вазифе беджергенини икяе этинъиз.<br />
2. Тюркий халкъларнынъ къадимий кечмиши насыл сатырларда беян<br />
олуна? Бу беянларда укюмдарларнынъ насыл бир хызметлери ве укюмет<br />
ишлери айдынлатылгъаныны икяе этинъиз.<br />
3. Бу абиделернинъ тилинде расткельген насыл бир сёзлер бугунь де<br />
бугунь бизлерге анълашыла?<br />
4. Бу абиделернинъ мундериджесине насыл гъаелер синъдирильген.<br />
Абиделернинъ бедиий эмиети неден ибареттир?<br />
16