Create successful ePaper yourself
Turn your PDF publications into a flip-book with our unique Google optimized e-Paper software.
«Эй, Гъазаий, гех висалы фикр къылды, гех фиракъ,<br />
Гяхи гирье къылды гъамдын, гяхи хандан олды шем».<br />
деп, ашкъыны беян эте. Гъазаий бу классик гъазелинде<br />
ашыкънынъ чешит аллары акъкъында сёз юрюте. Чыракъ (шем)<br />
сымасында къаршылыкъсыз (джевапсыз) севгининъ къурбаны<br />
олгъан ашыкънынъ сымасы косьтериле.<br />
Бойле этип, гъурбетлик ве асретлик мевзусына багъышлангъан<br />
эсерлеринде шаир тез кечиджи омюрни тасвир эте. Инсан не къадар<br />
яшамасын, бу фаний дюньяда онынъ омюри бир геджеде ирип<br />
биткен чыракъ кибидир. Эр бир инсан бу дюньяда мусафирдир,<br />
дегени киби фикирлер юрюте.<br />
Гъазаийнинъ гъазеллери ве месневилери самимиетлик<br />
ве алчакъгонъюллик чизгилеринен ашлангъандыр. Онынъ<br />
эсерлеринде фельсефий фикир, дюньябакъыш, инсан гонълюнинъ<br />
ве муреккеп аятнынъ сырлары усталыкънен айдынлатыла.<br />
ГЪАЗЕЛЛЕР<br />
* * *<br />
Эй, Саба, еткур пеямым 1 ол юзю гуль дильбере,<br />
Хаста халым шерх къылгъыл 2 бир-бир ол симинбере 3 .<br />
Сёйле, ким корьди сенинъ ол козю яшлу ашыкъынъ<br />
Хаставеш бенъзи сарармыш, бенъземиш нилюфере.<br />
Айрулукъ оды 4 ки, сенсиз джанына кяр эйлемиш 5 ,<br />
Бар-ы гъамдынъ 6 хам олуб та, къадди 7 дёнмиш ченбере 8<br />
1<br />
еткур пеямым — еткиз хаберимни<br />
2<br />
шерх къылгъыл — ачыкъ айдын айт, иззат бер, анълат<br />
3<br />
симинбере — кумюш вуджутлыгъа, вуджуды кумюш киби олгъан<br />
къызгъа<br />
4<br />
айрулукъ оды — айрылыкъ оты, атеши, дуйгъусы<br />
5<br />
джанына кяр эйлемиш — джанына кучь эйлеген, кучь берген<br />
6<br />
бар-ы гъамдынъ — гъам юкюнден, къасевет юкюнден<br />
7<br />
хам олуб та къадди — букюлип бою<br />
8<br />
дёнмиш ченбере — алкъагъа дёнген, алкъа сыфатына ошагъан,<br />
букюльген<br />
99