Create successful ePaper yourself
Turn your PDF publications into a flip-book with our unique Google optimized e-Paper software.
Якъуп Пейгъамбер огъулларынынъ сёзюне инанмай. Огъуллары<br />
тутып кельген борю инсан тилинде сёйленип, Кеньан мемлекетинде<br />
яшагъан борюлер инсан ашамагъаныны айта. Якъуп Пейгъамбер<br />
гедже-куньдюз агълай-агълай, козьлери сокъур ола.<br />
Дюльберликнинъ юзюнджи къысмы бутюн инсаниетликке<br />
такъсим олунып, докъсан докъуз къысмы келеджекте догъаджакъ<br />
огъланчыкъкъа бериледжегини даа учь юз йыл эвель насылдыр<br />
бир китаптан окъугъан Худ Пейгъамбер, бу муджизени корьмек<br />
арзусында къала. Аллахнынъ эмиринен, юкъугъа далгъан Худ<br />
къуюгъа ташлангъан, Юсуфны элинен тутып ала. Юсуфнынъ<br />
дюльберлигини корьгенинен шу ерде джаныны теслим эте.<br />
Коктен къуюгъа энген Джебраиль Аллахнынъ «даянып, сабыр<br />
этсин» деген эмирини Юсуфкъа бильдире ве Худнынъ джеседини<br />
алып кетип, коме.<br />
Айны шу вакъытта Мысырда яшагъан бир базиргян (малик)<br />
тюшюнде гуя Кеньан мемлекетинде юргенде, коктен энген кунеш<br />
апансыздан онынъ къойнуна кирип чыкъкъаныны, сонъ тёпеге<br />
котерилип, онъа нурлар сачкъаныны коре.<br />
Бир къач алтынгъа тюшюни табирлеткен базиргян пек<br />
зенгинлешеджегине къуванып, Кеньан мемлекетине кете. Адд<br />
къуюсындан Юсуфны чыкъара. Юсуфнынъ агъалары онъа бу<br />
огълан оларнынъ къачакъ къулу олгъаныны айталар. Оларгъа<br />
къайтарып бермесини талап этелер. Нетиджеде, Юсуфны бу<br />
мемлекеттен бутюнлей алып кетиледжеги шартынен, базиргянгъа<br />
докъуз алтынгъа саталар:<br />
62<br />
Малик Юсуфа бакъты:<br />
— Бу эрлер сени сатты,<br />
Эм сен къулмысынъ? — деди,<br />
Юдунмагъыл гизлею.<br />
Мысырнынъ султаны Къатыфыр Юсуфны къазнасында олгъан<br />
алтынларгъа сатын ала. Онъа бу ишни япмагъа къадыны Зулейха<br />
меджбур эте. Чюнки бу иште буюк бир сыр сакълы ола...<br />
Магъриб (Шималий Африка) эмири Таймуснынъ къызы Зулейха<br />
даа генчлигинде дюльберден дюльбер йигитни тюшюнде корьгенде,<br />
онынъ къаерде булунгъаныны ве илериде султан оладжагъыны<br />
сорап биле. Мысыр султаны Юсуфдыр деп беллеп, онъа акъайгъа<br />
бермесини бабасына риджа эте. Мысыр султанына Эмир Таймус<br />
къуда ёллагъанда, султан дюльбер Зулейхагъа эвленмеге разылыкъ<br />
бере. Амма той геджеси акъайы Юсуф олмагъаныны корьген<br />
Зулейха, такъдирине табынып, онынънен омюр этмеге разы ола.