You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
126<br />
Дурмаялым, хеман къылыч уралым».<br />
Богдан Хмельницкийнинъ ады эсерде «Мелеске» (Малиска)<br />
деп анъыла. Къырым ханы III Ислям Герайдан о, аскерий ярдым<br />
сорай.<br />
Аргъын мырзаларындан Ор бейи, мешур сераскер Тогъай бей<br />
бу Ордугъа къуманданлыкъ этмеге тайин этиле. Къырымтатар ве<br />
украин аскерлери бераберликте Сары Сув, Ильбав (Львов), Бар<br />
къалелери дживарындаки дженклерде иштирак этелер. Олар<br />
озьлерининъ федакярлыгъы ве къараманий арекетлери иле пек<br />
чокъ ярарлыкълар косьтерелер.<br />
Базы дженклерде Къырым ханы III Ислям Герайнынъ озю,<br />
онынъ къалгъасы — Къырым Герай, къардашы — Мурад Герай<br />
султанлар да иштирак этелер.<br />
Джанмухаммеднинъ «Тогъай бей» дестанында лех аскерлерининъ<br />
Украинагъа япкъан уджюми косьтериле. Украина ве<br />
Къырым халкъы тарафындан дарбе эндирильгени джанлы суретте<br />
тасвир олуна:<br />
«Эм семаден къудрет отун аттылар,<br />
Бир саатте ол кяфири къырдылар.<br />
Чокъ аскерлер анда телеф олдылар..».<br />
Тогъай бей лехлер ордусынен олгъан дженклерде сынъырсыз<br />
батырлыкъ косьтере. О, Ватаны ве халкъына садыкъ, гъает<br />
къуветли сераскер оларакъ тасвир этиле. Джанмухаммед Тогъай<br />
бейни дженк мейданында алевленип янгъан атешке бенъзете.<br />
Саргъуш арсланнен тенъештире. («Санарсынъ бир от киби янар<br />
эди» , «Санарсынъ саргъуш арслан киби эди...»)<br />
Дестанда лехлернинъ къыралы ве гетман Н. Потоцкий немсе ве<br />
франсызларнынъ ярдымына умют багълагъан баскъынджылар,<br />
аджиз макътанчакълар оларакъ тасвирленелер. Меселя:<br />
«Менде олан мал хазине кимде вар...<br />
Москъов, немсе, франсыз иллери —<br />
Эр бириси верир банъа аскери.<br />
Къырымтатар халкъыны къырсам керек».<br />
Лехли къыралынынъ озь кучюне эминлиги: