You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ислерининъ истирапларына даянып оламагъан шаир: «Я Рабби!<br />
Козюмден ал бу гонъюль дадыны!» — диерек, ярдым истеп,<br />
Танърыгъа мураджаат эте.<br />
Гонъюль ве анъ арасында зиддиет (къарама-къаршылыкъ) ойле<br />
къуветли ки, оны тек Рабби аль эте биле. Яни бу дава инсаннынъ<br />
козьлери юмулгъан сонъ чезиледжек. Бутюн инсаниет ичюн исе<br />
бу къарама-къаршылыкъ эп девам этип, эбедий чезильмейип<br />
къаладжакътыр.<br />
Гонъюль дадыны ис эткен шаирнинъ башындан нелер келип<br />
кечмесе де, кене де ильк дуйгъусына садыкълыгъыны о, бойле<br />
сатырларда бильдире:<br />
Михнет элине алды хаятым якъасыны —<br />
Абдуль къатында къылмады бир маджера гонъюль.<br />
Дава эткен гонъюльге Абдуль гонъюль бермеди,<br />
Омюрини, аятыны захмет этип кечирди.<br />
Демек, бу тенъештирюв иле муэллиф эр бир инсаннынъ<br />
шахсий фикри, дюньябакъышы, умуминсаний ахлякъы олмакъ<br />
кереклиги акъкъында сёйлей. Мукъаддес севги дуйгъусы (севда<br />
олгъан гонъюль) бутюн инсаниет ичюн эбедий ве мукъаддес<br />
олмалыдыр демек истей. Гонъюль ве анъ арасындаки зиддиетнинъ<br />
эбедийлигини бильдире.<br />
Бойледже, Абдульмеджит эфендининъ «гонъюль» акъкъында<br />
юрюткен бу фельсефий тюшюнджелери омюрни, юртны,<br />
ананы, озюни севмеге бильген гонъюльнинъ алидженаплыгъы,<br />
инсаниетлигини тасвирлей.<br />
ЭЙ, ГОНЪЮЛЬ! [9]<br />
Андан бери ким, алды о шул дильрубе гонъюль 1 !<br />
Куйди джефада 2 , корьмеди хергиз вефа гонъюль 3 .<br />
Козьдин тюшюрди бир ёлы, козь тюшкели анъа,<br />
Терк ит десем, тилегими бермез риза гонъюль 4 .<br />
Сызды теним, тюкенди сехер шемидек 5 яныб,<br />
1<br />
дильрубе гонъюль — севда олгъан гонъюль<br />
2<br />
джефа — эзиет, ынджытув, азап<br />
3<br />
вефа гонъюль — сёзюнде тургъан, достлугъыны девам эткен садыкъ<br />
гонъюль<br />
4<br />
риза гонъюль — разы, мемнюн, хошнут гонъюль<br />
5<br />
сехер шемидек — саарь чырагъы киби, сабагъа якъын сёнип биткен<br />
87