Create successful ePaper yourself
Turn your PDF publications into a flip-book with our unique Google optimized e-Paper software.
эсасында тасвирлене. Эдебиятымызнынъ дургъунлыкъ девринде<br />
иджат этильген эсерлерде чар укюметининъ халкъымызгъа япкъан<br />
зорбалыгъы ве бу вахший сиясетнинъ халкъ такъдирине япкъан<br />
акъибети ачыкъ-айдын косьтериле.<br />
Бойледже, къырымтатар халкъынынъ дургъунлыкъ девринден<br />
бизим кунюмизге етип кельген эсерлер о девирде олып кечкен<br />
тарихий вакъиаларны олгъаны киби айдынлатмагъа хызмет<br />
этелер. Къырымтатар эдебият тарихынынъ Рус истилясы деврине<br />
аит малюматларны араштырып тапмагъа имкян яраталар. Бу<br />
девирде язылгъан эсерлернинъ къырымтатар эдебияты тарихында<br />
туткъан ерини айырмагъа мейдан азырлайлар. Авам халкъ<br />
тилинде язылгъан эсерлернинъ хусусий чизгилерини сечмеге<br />
ярдым этелер.<br />
Бойле этип, Рус истилясы девринде классик эдебиятнынъ<br />
илерилеви сиясий дургъунлыкънынъ тесиринден тепрендирильгенине<br />
бакъмадан, эдебий эснас эп девам эте. Эдебият тарихында,<br />
авам халкъ тилинен ашлангъан, янъы аятий ве тарихий<br />
акъикъатны олгъаны киби, реаль тасвир эткен реалистик эдебият<br />
джерьяны джанландырыла.<br />
Суаллер ве вазифелер:<br />
1. Къырымтатар эдебияты тарихынынъ Къырым Ханлыгъы девриндеки<br />
эдебиятнынъ хусусий чизгилерини айтынъыз. Классик эдебиятымызнынъ<br />
къыйметли къазанчы укюмдарларнынъ насыл арекетлеринен багълы эди?<br />
2. Чар укюмети Къырымны запт эткен сонъ, ичтимаий, медений ве<br />
эдебий аятта насыл денъишювлер олып кече?<br />
3. Халкънынъ дигер топракъларгъа иджрет этювининъ эсас<br />
себеплерини айтынъыз.<br />
4. Къырымнынъ махсулдар топракълары чар укюмети тарафындан<br />
къачынджы сенелери чекип алынды?<br />
5. Яшларнынъ чар ордусына аскер алынувы насыл бир тарихий<br />
вакъытларда олып кече?<br />
6. Рус истилясы девриндеки эдебият не ичюн эдебиятнынъ къара<br />
асыр деври деп адландырыла? Бу девирде язылгъан эсерлернинъ мевзу,<br />
гъаесини айдынлатынъыз.<br />
7. Иджретликнинъ икътисадий, ичтимаий ве маневий себеплери<br />
фольклорнынъ насыл жанрларында иджат этиле? Бу вакъыт насыл<br />
эсерлер (жанрлар) пейда олгъаныны айтынъыз.<br />
8. Бедиий эдебиятта бу жанрлар къайсы муэллифлернинъ эсерлеринде<br />
озь аксини коре? Эсерлернинъ серлеваларыны хатырлатынъыз.<br />
9. Бу эсерлерде тарихий вакъиалар насыл тасвирлене?<br />
10. Рус истилясы девринде язылгъан эсерлернинъ къыйметли тараф ларыны<br />
айтынъыз. Бу девирде насыл янъы эдебият джерьяны джанландырыла?<br />
160
Change language