Create successful ePaper yourself
Turn your PDF publications into a flip-book with our unique Google optimized e-Paper software.
Я сувум, я топрагъым чекти дияры гъурбетке.<br />
Чаре не, башымда язы — бу кунни корьмек экен,<br />
Бу экен такъдирнинъ иши, гъурбетке къоймакъ экен.<br />
Шимдилик даа меним гонълюм мелямет косьтерир,<br />
Адеттир, эр гъамнынъ сонъу селямет косьтерир.<br />
Бакъайыкъ, девран кузьгюси не сурет косьтерир.<br />
Чаре не, башымда язы — бу кунни корьмек экен,<br />
Бу экен такъдирнинъ иши, гъурбетке къоймакъ экен.<br />
Дер ки, Умер, эбедий керим иляий бу не ал?<br />
Салтанат джумле сенинъдир, ёкътырдыр санъа зевал.<br />
Гъурбет ильде чеке-чеке олды дал боюм хаял,<br />
Чаре не, башымда язы — бу кунни корьмек экен,<br />
Бу экен такъдирнинъ иши, гъурбетке къоймакъ экен.<br />
РУКНЛАР<br />
ЭДЕБИЯТ НАЗАРИЕСИ<br />
Пармакъ везнинен язылгъан эсер сатырдаки эджаларнынъ<br />
сайысына риает этилип, аруз везнинен язылгъан эсер исе ачыкъ<br />
ве япыкъ (къыскъа ве девамлы) эджаларнынъ тертибинде<br />
тизильгенини анъладыкъ.<br />
Ачыкъ ве япыкъ (къыскъа ве девамлы) эджалар схемада насыл<br />
косьтерильгенини де билемиз.<br />
Пармакъ ве аруз везнинен язылгъан эсерлер тек озьлерине<br />
уйгъун бир макъам иле окъула.<br />
Аруз везнинен язылгъан эсерлернинъ белли бир окъулув<br />
къыраатлары бар.<br />
Буны анъламакъ ичюн гъазельнинъ окъулув къыраатыны<br />
схемада косьтерейик:<br />
– . – – – . – – – . – – – . –<br />
Фа и ля тун фа и ля тун фа и ля тун фа и люн<br />
Эй пе ри бой ле пе ри шан ол ду гъым биль мез ми синъ<br />
Ас ре тинъ ле кунь де бинъ кез оль дю гим биль мез ми синъ<br />
Ба гъы хус нинъ гул ле ри не буль буль э дим бир за ман<br />
Шим ди бен ден юзь че вир динъ нол ду гъым биль мез ми синъ<br />
I II III IV<br />
144