You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
86<br />
(XIV асыр)<br />
Мамлюклер девринде, хусусан Мысырда къырымлы Бейбарс<br />
султанлыкъ эткен вакъытта, бир чокъ улемалар ве шаирлер<br />
Къырымдан Мысыргъа кеткенлер. Сонъра о якълардан тувгъан<br />
юртуна къайтып кельгенлер, иджадий ве омюр ёлларыны тувгъан<br />
топракъларда девам эткенлер. Абдульмеджит эфенди шу девирде<br />
иджат эткен шаирлерден биридир.<br />
1391 сенеси Сейфи Сарайий Саадининъ «Гулистан» эсерини<br />
дердж эте. Бу дивангъа Абдульмеджит эфендининъ тек бир «Эй,<br />
гонъюль» серлевалы гъазели кирсетиле.<br />
Абдульмеджит эфендининъ даа бир дестаны бар. Бу дестанны<br />
о, Къырымда яшагъанда яза. Дестан ХIII асырда яшагъан Махмуд<br />
Къырымлынынъ «Хикяет-и Юсуф ве Зулейха» дестаны киби Юсуф<br />
ве Зулейханынъ севгиси акъкъындадыр.<br />
Алтын Орду деври къырымтатар эдебиятынынъ нумюнелеринден<br />
бири олгъан «Эй, гонъюль» серлевалы гъазелинде ирадели инсаннынъ<br />
гонълю не къадар индже ве назик олгъаны акъкъында<br />
айтыла. Эсерде аятта расткельген чешит эзиетлерге даянмагъа<br />
бильген инсаннынъ гонълю акъкъында икяе этиле.<br />
Шаирнинъ гонълюнде пейда олгъан дюльбер, алидженап ве<br />
терен ислер гонъюль ве анъ арасындаки къарама-къаршылыкъны<br />
пейда эте.<br />
Мукъаддес севги дуйгъусы онынъ башына не къадар ынджынувлар<br />
кетирмесин, гонълюни не къадар хырпалап чекиштирмесин,<br />
о дигер инсаний дуйгъулардан устюн ве мукъаддестир.<br />
Гъазельде къулланылгъан ошатувлар шаирнинъ рухий<br />
дюньясыны тасвирлей.<br />
Сызды теним, тюкенди сехер шемидек яныб,<br />
Эй, вай! Не къылды, корь ки, башымгъа беля гонъюль!<br />
Саарьде янып биткен шем киби теним ирип битти;<br />
Эй, вай! Не япты, корь ки, башыма беля(лы) гонъюль!<br />
Истек яшым акъыб, тунь-у-кунь йыгълатыр мени,<br />
Тигме ки, эрсе, кульсе манъа — не рева гонъюль.<br />
Эр гедже къанлы козьяшым акъып, геджелернен мени агълатыр.<br />
Тийме, эгер кульсе, манъа, уймагъан гонъюль.<br />
киби сатырларда севгининъ къудрети, кучю беян олуна.<br />
Абдульмеджит эфенди инсаннынъ гонълю вазиетине коре<br />
денъишкени акъкъында фельсефий фикирлер юрюте. Севги