Create successful ePaper yourself
Turn your PDF publications into a flip-book with our unique Google optimized e-Paper software.
Дияр асретлигинден янгъан шаирнинъ гонълю ойле бир<br />
вазиетте ки, атта бу яныкътан чыкъкъан «аизар тютюни» та о бир<br />
дюньягъа барып етеджек дереджесиндедир.<br />
Шаир озь-озюнден «Дертли Гъазаий, о къадар джефа, зулум<br />
чектириджинъ ким?» деп сорай ве гъазельнинъ сонъунда нетидже<br />
чыкъарыла:<br />
98<br />
«Мундже ким джевринъ чекер хаста Гъазаий дердименд».<br />
Сонъра исе ватан, яр асретлиги даянылмаз бир агъры<br />
олгъаныны ифаделемек ичюн мубалягъа усулы (гипербола)<br />
къулланылып, Хакъ (Танъры) бу даянылмаз гонъюль агърысыны<br />
тек мусульмангъа дегиль, атта кяфирге (душманына) биле<br />
бермесин деп, тилек тилей:<br />
«Вирмесюн ол хали Хакъ муслим дегиль бир кяфире».<br />
Шаирнинъ гъурбетлик, асретлик мевзуларына багъышлангъан<br />
гъазеллеринде омюр, олюм акъкъында фельсефий фикирлер<br />
юрютиле. Меселя, «Киче юзьнинъ хасретидин пес ки гирьян<br />
олды шем...» киби гъазелинде Гъазаий бутюн гедже янып, таматама<br />
липильдеген чыракънынъ (шем) сымасыны тасвирлей:<br />
«Киче юзьнинъ хасретидин пес ки гирьян олды шем,<br />
Атеш-и гъам шулесиддин янды сузан олды шем.<br />
Корьди ким олмаз мюневвер арызынъдын мунджели,<br />
Къальб-и ашыкъ гиби ахир янды хирман олды шем».<br />
Гъазаий асрет чеккенлернинъ алыны янып ириген чыракъкъа<br />
бенъзете. Янып ириген ве ирип биткен чыракънынъ алыны гъамкъасеветте<br />
кечирильген инсаннынъ омюрине ошата:<br />
«Безм-и васлынъ хасретидин башлады яш тёкмеге,<br />
Субхадек дюнья эвинде герчи михман олды шем.<br />
Субх-и васле корьди ахир етмеги олмыш мухаль<br />
Эксилюб гъам бирле омри хаке ексан олды шем».<br />
Шаир озю де базы бир гъамдан, базы исе кульгюден чыракъ<br />
киби иригенини тенъештирме (бенъзетме) усулы иле:
Change language