Create successful ePaper yourself
Turn your PDF publications into a flip-book with our unique Google optimized e-Paper software.
Сес чыкъарып агъламагъа къалмаз меджалым (такъатым).<br />
Къыяметке къояр мени бир залым,<br />
Ашыкъ олсанъ, дагъларны теш деп, айта, айта.<br />
Сархош киби о меним гонълюмни алды,<br />
Мал-мульк арттырмакъ мерагъын(ы) джангъа косьтерди.<br />
Шимди юз бинъ тюрлю себеп, тапмакъта,<br />
Къоркъам, юзьлер бетиме иль деп, айта, айта.<br />
Чюнки аджынмаз эдинъ, ах, сёзюме,<br />
Ашкъынъ иле атешлер якътым озюме.<br />
Я ничюн эвельден кульдинъ юзюме,<br />
Эй, меним, Джевхерим, кель, деп, айта, айта.<br />
СЕМАИЛЕР<br />
Не агъларсынъ, эля козьлюм,<br />
Гонъюль сенден айрылырмы?<br />
Бу гузеллик сенде экен,<br />
Гонъюль сенден айрылырмы?<br />
Эп гузеллер бура кельсе, 1<br />
Ашыкънынъ халинден бильсе,<br />
Джумле алем гузель олса,<br />
Гонъюль сенден айрылырмы?<br />
Гузеллер кельсе джихане<br />
Хуснинъ олмазды бахане, 2<br />
Падиша олсанъ девране,<br />
Гонъюль сенден айрылырмы?<br />
Ол Джевхерий кельмейиндже,<br />
Гъоньдже гулюнъ дермейиндже, 3<br />
Я сен, я бен ольмейиндже,<br />
Гонъюль сенден айрылырмы?<br />
152<br />
* * *<br />
1<br />
эп гузеллер бура кельсе — бутюн гузеллер мында кельсе<br />
2<br />
хуснинъ олмазды бахане — гузеллигинъ (дюльберлигинъ) олмаз эди себеп<br />
3<br />
гъоньдже гулюнъ дермейиндже — гъондже гулюнъ(ни) джыймагъандже
Change language