You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ДОЛАБ [13]<br />
(Месневи)<br />
Ёл устюнде ёлукъдым 1 бир долаба 2 ,<br />
Дидим ничюн сюрерсинъ юзь бу аба.<br />
Делинмиш багърынъ-у- къаддинъ букюльмиш, 3<br />
Гёзинъ яшы аягъынъа дёкюльмиш.<br />
Недир ашыкъмысынъ, вармы фыракъынъ 4 ?<br />
Бу гъурбетте кимедюр иштиякъынъ 5 ?<br />
Гичер бойле сенинъ лейлю-нехарунъ 6 ,<br />
Ки ёкъмыдыр элинъде ихтиярунъ 7 ?<br />
Недюр баис хеле бойле фигъана? 8<br />
Бюкюльмиш къаметинъ, дёнмюш кемана. 9<br />
Хем агъларсынъ, хем инълерсинъ демадем 10 ,<br />
Бу гизлю дердинъи бильмез хич адем 11 .<br />
Долаб ишитти бенден бу хитабы,<br />
Зебан 12 -и хал иле вирди джевабы.<br />
Хаберсиз адем огълу маджерадан, 13<br />
Къазадан биль, диме чун-у чырадан. 14<br />
Юдже дагълар иди эввель мекяным,<br />
Беним де вар иди таб-у туваным 15 .<br />
___________<br />
1<br />
ёлукъдым — расткельдим<br />
2<br />
долаб — сув дегирмени — чарх фелек,такъдир<br />
3<br />
делинмиш багърынъ-у-къаддинъ букюльмиш — багърынъ<br />
тешильген, боюнъ букюльген<br />
4<br />
вармы фыракъынъ? — узакъ бир ерлерде бир кимсенъ бармы, бир<br />
кимсенъ къалдымы?<br />
5<br />
кимедюр иштиякъынъ — кимгедир чеккен асретлигинъ<br />
6<br />
гичер ... лейлю-нехарунъ — кечер гедженъ-куньдюзинъ<br />
7<br />
ёкъмыдыр элинъде ихтиярунъ — ёкъмыдыр элинъде ираденъ,<br />
кучюнъ, къуветинъ<br />
8<br />
недюр баис хеле бойле фигъана? — агълап сызлавынънынъ,<br />
багъырып-чагъырманънынъ себеби недир?<br />
9<br />
букюльмиш къаметинъ, дёнмюш кемана — букюльген боюнъ,<br />
эндамынъ яйгъа ошап букюльген<br />
10<br />
демадем — даима, токътамадан<br />
11<br />
бильмез хич адем — бильмез ич бир адам, инсан<br />
12<br />
зебан — тиль, лисан<br />
13<br />
хаберсиз адем огълу маджерадан — инсан огълу инсан олып<br />
кечеджек шейден хаберсиздир (илериде олып кечеджек шейни эвельден<br />
бильмей)<br />
14<br />
къазадан биль, диме чун-у чырадан — Аллахнынъ эмри иле<br />
олгъаныны биль, насыл ве не ичюн деме<br />
15<br />
таб-у-туваным — кучюм-къуветим<br />
105