Create successful ePaper yourself
Turn your PDF publications into a flip-book with our unique Google optimized e-Paper software.
Севдирир юзю, урбасы, корюмли олгъаны,<br />
Ярашыр — кирип чыкъса, чин йигит сёзюнде тургъаны.<br />
Шаир хаджип олгъан инсангъа «еди козь, къулакъ, сагъ<br />
гонъюль» керек деп яза:<br />
«Хаджибликка ашну бу он ненъг керек,<br />
Йити козь, къулакъ, сакъ конъгуль керек».<br />
Яни бу сатырларнынъ даа «еди кере корип, эшитип меселени<br />
анълы ольчеп пичкен инсан керек» деген манасы бардыр.<br />
Бу сатырлар бизге «Еди ольчеп бир пич» киби аталар сёзюни<br />
хатырлата.<br />
Эсерден Юсуф Баласагъунлы бойлу-постлу, дюльбер юзьлю,<br />
гузель ве кямиллик иле кийинген бир инсан олгъаныны анълаймыз.<br />
Сатырларда айтылгъан чизгилер шаирге менсюп олгъаныны да<br />
дуямыз.<br />
Бойле этип, дестанда шаир акъкъында баягъы малюмат<br />
тапмакъ мумкюн. Юсуф Баласагъунлы озь деврининъ улу шаири<br />
олгъаныны онынъ язгъан эсерине эсасланып айтамыз. Шаир бойле<br />
къыйметли табиат чизгилерининъ саиби олмагъан олса, мешур<br />
дестан язып, несиллерге къалдырмаз эди.<br />
Дестандаки эр бир сатырлардан шаир яшайышнынъ сырларыны<br />
чокъ яхшы бильген , виджданлы инсан олгъаныны анълаймыз.<br />
«Яхшы эрнинъ болур даим къысмети,<br />
Бу къысмет кетирир онъа олгъан урьметни».<br />
Инсаннынъ яхшылыгъынен келир яхшылыкъ,<br />
Яманлыкълар арттырыр козьге яманлыкъ.<br />
Юсуф Баласагъунлынынъ бу дестанда язгъан эр бир огюти,<br />
огретиджи насиаты онынъ шахсий табиат чизгилерини айдынлата.<br />
Шаирнинъ эсеринде онынъ шахсиети акъкъындаки бир чокъ<br />
малюматлар сакълы олгъаныны эсернинъ мундериджесинден<br />
окъуп билемиз.<br />
42
Change language