You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ИСМЕТИЙ [26]<br />
XIX асырда яшап иджат эткен ве миллий шиириетимизнинъ<br />
темелини зенгинлештирген шаир Исметий къырымтатар эдебияты<br />
тарихында «Кефе дестаны», «Озю вакъиасы дестаны» ве къошмасы<br />
иле ер алгъандыр.<br />
Исметий Къырымнынъ пек мешур дин ве илим оджагъы<br />
сайылгъан Колеч медресесинде окъугъан. О, Кефе медресесининъ<br />
мудерриси Абдурахман Эфенди Кефевийнинъ янында тасиль ве<br />
илим хызметлери иле огърашкъан. Сонъра Истанбулда да тасиль<br />
ве илим алеминде эйи хызметлер япкъан.<br />
1787—1791 сенелери Тюркие ве Русие арасында башлангъан<br />
дженкте иштирак этмеге къарар берген Исметий, Озю (Очаков)<br />
къалесине ёлланылгъан. Озю муаребесини корьген шаир, къале<br />
руслар тарафындан запт олунгъанда, эсирликке тюшкен. О, бир къач<br />
сенелер анда булунгъан сонъ, Колеч коюне къайткъан. Джамиде<br />
худдамлыкъ (хызметчи) ве теккиеде шейхлик вазифелерини эда<br />
эткен. Онынъ эдждатлары шейхлер сулялесинден тёреген.<br />
Исметийнинъ бабасы Шайып Челеби де муляйим табиатлы<br />
инсан экен. О, бир чокъ эсерлер ве иляхилер язып къалдыргъан<br />
шейх олгъан. Шайип Челеби, 1766 сенеси аджылыкъкъа кетмеге<br />
ниетленгенде, Истанбулда токътай. Стамбул дживарындаки<br />
Седдюль-Бахир къалесинде дефн олунгъан бабасы — Абдусамед<br />
Эфендининъ къабрини зиярет эте. Бабасынынъ такъдири Шайип<br />
Челебини тюшюнджеге далдыра. Бу ал онынъ сагълыгъына тесир<br />
эте. О, гъам-къасевет чекип, хасталана ве вефат эте. О, Седдюль-<br />
Бахир къалесинде бабасынынъ къабри янында дефн олуна.<br />
Суаллер ве вазифелер:<br />
1. Исметий Эфендининъ аяты акъкъында не билесинъиз? О, насыл<br />
вазифелерде хызмет эткенини икяе этинъиз.<br />
2. Исметийнинъ бабасы насыл инсан олгъан? О да, Исметий киби<br />
эсерлер язгъанмы?<br />
3. Исметийнинъ эдждатлары шейхлер сулялесинден тёрегенини насыл<br />
бир малюматтан сечтинъиз. Метиндеки исбатлайыджы сатырлар иле<br />
анълатынъыз.<br />
161