You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
50. ве ёлбашчысы мен эдим. Ильтирис Къагъангъа... Тюрк Бёгю<br />
Къагъангъа, Тюрк Бильге Къагъангъа...<br />
51. Къапагъан Къагъан... Мен геджелери юкъламайып,<br />
52. куньдюз де ич бир раатлыкъ бильмейип, къырмызы<br />
къанымны акъызып, къан, теримни тёкип, халкъкъа иш ве къувет<br />
бердим, арбий сеферлерни де озюм алып бардым.<br />
53. Аркъуй къаравулларыны улулаттым (улу эттим), бойсунгъан<br />
душманларыма бизге къошулмагъа ёл ачтым. «Танъры ярдымджы<br />
ол!» — деп Къагъанымнен бирликте сеферлерге чыкътыкъ.<br />
54. Бу тюрк халкъына мен къуветли къушангъан душманларны<br />
ёлламадым, къушангъан атларны ёлламадым. Эгер Ильтирис<br />
Къагъан къазанмаса (сеферлерден сонъ зенгинлешмесе),<br />
55. онынъ пешинден мен де къазанмасам, халкъ ёкъ олур эди.<br />
Онынъ къазангъаны ичюн, меним къазангъаным ичюн,<br />
56. иль кене иль олды, халкъ акъикъий халкъ олды. Озюм<br />
къартайдым, буюк олдым (улу олдым). Эгер эр бир ердеки<br />
халкънынъ Къагъаны (кутюк) тембель олгъан олса, о халкънынъ<br />
алы не олур эди!<br />
58. Мен, идракли, Тоньюкъукъ, буны Тюрк Бильге Къагъан<br />
илинде язмагъа эмир бердим.<br />
59. Эгер Ильтирис Къагъан къазанмагъан олса, озю ёкъ олур<br />
эди, мен, озюм Бильге Тоньюкъукъ, къазанмагъан олсам, мен де<br />
ёкъ олур эдим,<br />
60. Къапагъан Къагъан ве Тюрк Сир халкъынынъ ерлеринде<br />
укюмет, халкъ, укюмдары олмаз эди.<br />
61. Тек Ильтирис Къагъан ве идракли Тоньюкъукънынъ япкъан<br />
къазанчлары муджиби [нетиджесинде] Къапагъан Къагъан ве<br />
Тюрк Сир халкъы яшамакъта.<br />
62. Тюрк Бильге Къагъаны Тюрк Сир халкъыны ве Огъуз<br />
халкъыны юксеклерге котерди.<br />
Суаллер ве вазифелер:<br />
1. Бутюн тюрк халкъыны Отюкен (ерине) топрагъына кетирген ким<br />
олды? Тоньюкъукънынъ Отюкен ерине ерлешкенини эшитип, оларгъа даа<br />
насыл халкълар келип къошулгъаныны, бирер-бирер метинден окъуп,<br />
айтынъыз.<br />
2. Тюрк халкъынынъ сайысы не къадар олгъаныны айтынъыз. Олар<br />
не себептен экиге болюндилер? Ондан сонъра олар насыл бир мусибетлерге<br />
огърадылар?<br />
3. Душманларыны Темир Къапыгъа къадар къувгъан сонъ, олып<br />
кечкен вакъиаларны метин эсасында икяе этинъиз.<br />
26
Change language